BQO-da jylytý maýsymyna daıyndyq qarqyndy júrip jatyr

<p>ORAL. KAZINFORM &ndash; Batys Qazaqstan oblysynyń ákimi Narıman Tóreǵalıev aldaǵy jylytý maýsymyna daıyndyq jumystaryn tekserý maqsatynda Oral qalasyndaǵy energetıkalyq jáne turǵyn-úı kommýnaldyq sharýashylyq nysandaryna bardy.</p>

Atap aıtqanda, óńir basshysy 2-shi, 3-shi jáne 18-shi kárizdik sorǵy stantsııalaryn, 5-shi jylý magıstrali men Daýymov kóshesindegi sý ótkizý qubyrlaryn jańǵyrtý jumystarymen tanysyp, mamandarmen kezdesti.

Foto: BQO ákimdiginiń baspasóz qyzmeti

Narıman Tóreǵalıev Memleket basshysynyń tapsyrmasy aıasynda jylytý maýsymyna óńirdegi barlyq nysandardyń ýaqytyly daıyn bolýy kerektigin atap ótti.

Foto: BQO ákimdiginiń baspasóz qyzmeti

 

«Bıyl óńirimizde kommýnaldyq salada iri jobalar iske qosylady. 1974 jyly salynǵan qalamyzdyń 150 myń-ǵa jýyq turǵynyn qamtamasyz etip otyrǵan 2,3 jáne 21-shi kárizdik sorǵy stantsııalary túgeldeı jańartylady, qosymsha qalanyń Qurylysshy, Qadyr Myrza Áli, Jańa Orda shaǵyn aýdandaryn jáne „eski aeroport“ aýdanyn onda 150 myń turǵyndy qamtıtyn 18-shi KSS (kárizdik sorǵy stantsııasy) qurylysy bastalatyn bolady. Sonymen qatar, Oral qalasynyń Aqjaıyq shaǵyn aýdanyndaǵy jáne Soltústik-Shyǵys baǵytyndaǵy qosalqy elektr stantsııalary, elektr taratýshy kompanııanyń jumysyn jedeldetý úshin Zashaǵan kentinde jóndeý-óndiristik bazasy jáne jylý jelileri boıynsha 70 myń adamdy qamtıtyn 5-shi jylý magıstrali jóndelip jatyr», — dedi óńir basshysy.

Oblys ákiminiń sózinshe, byltyrǵy jyly Japonııalyq «Hıtachı» kompanııasymen kelissózder júrgizilip, Oral qalasy jylý elektr ortalaǵynyń gaz týrbınaly qondyrǵysyn jóndeý boıynsha kelisim jasalǵan.

Foto: BQO ákimdiginiń baspasóz qyzmeti

«Osyǵan baılanysty, osy jyldyń maýsym aıynda Japonııadan arnaıy mamandar kelip, tıisti jumystardy iske asyratyn bolady. Osy oraıda tıisti sala basshylaryna, barlyq aýdan, qala ákimderine jylytý maýsymyna daıyndyq jumystaryn ýaqytyly aıaqtaýdy qatań baqylaýda ustaýdy jáne sapaly oryndaýdy tapsyramyn», — dedi ákim.

Budan bólek, Narıman Tóreǵalıev Oral qalasy men Bórli aýdany ákimdikterine (Aqsaı qalasy) Múlik ıeleriniń birlestikterimen birge kópqabatty turǵyn úılerdi jylytý maýsymyna daıyndaýdy tapsyrdy.

Foto: BQO ákimdiginiń baspasóz qyzmeti

Jylytý maýsymyna óńirdegi barlyq nysandardyń daıyndyǵy men qurylysyn aıaqtaý jumystaryn qadaǵalaý oblys ákiminiń tapsyrmasyna sáıkes, barlyq aýdan-qala ákimderi men oblys ákiminiń orynbasarlaryna júkteldi.