BQO-da jergilikti polıtsııa qyzmetkerleriniń biliktiligi jetildirilýde

ORAL. QazAqparat - Búgin Oral qalasynda QR Bas prokýratýrasy janyndaǵy Quqyq qorǵaý organdary akademııasy uıymdastyrǵan jergilikti polıtsııa qyzmetkerleriniń biliktiligin kóterýge arnalǵan birinshi kýrs bastaldy, dep habarlaıdy «QazAqparat» tilshisi.

Atalǵan shara akademııa men BQO ákimdigi arasynda qol qoıylǵan yntymaqtastyq pen ózara túsinistik jónindegi memorandýmǵa sáıkes uıymdastyrylyp otyr.

Akademııanyń baspasóz qyzmetinen túsken málimetke qaraǵanda,  jergilikti polıtsııa qyzmetkerlerin oqytý úshin olardyń sheshendik qabiletin, psıhologııalyq daıyndyǵyn, sondaı-aq kásibı etıkasy men quzyretin jetildirýge baǵyttalǵan arnaıy oqý baǵdarlamasy jasaldy. Oqý kýrsyna akademııanyń tájirıbeli ulttyq koýcherleri men sarapshylary tartylǵan.

Kýrs tyńdaýshylary retinde BQO prokýratýrasy organdarynyń qyzmetkerleri de qatysýda.

Kýrsty ashqan akademııa rektorynyń kómekshisi Jan Júsipov qatysýshylardy baǵdarlama erekshelikterimen tanystyryp, jemisti jumys tiledi.