BQO-da jeke kásipkerlikti qoldaýǵa 1618,7 mln teńge bólindi
BQO kásipkerler palatasynyń dırektory Nurlan Qaıyrshınniń aıtýynsha, sonyń ishinde nesıeler boıynsha paıyzdyq mólsherlemeni sýbsıdııalaýǵa 1300,7 mln., bir bóligin kepildendirýge 94 mln., granttyq qarjylandyrýǵa 47 mln., oblys ortalyǵy, monoqala men aýdandarda kásipkerlikti damytýǵa septesýge nesıe retinde 177 mln. teńge qarastyryldy.
BQO óńirlik úılestirý keńesi bıylǵy qańtar aıynda 1,3 mlrd. teńgege 7 jobany maquldady.
Sonymen qatar nátıjeli jumyspen qamtý men jappaı kásipkerlikti damytý baǵdarlamasy aıasynda kásipkerlikti damytýǵa septesýge 526 mln. teńge bólinbekshi.
«Óńirde barlyq aýdanda palata fılıaldary janynda kásipkerlerge kómek kórsetý ortalyqtary jumys jasaıdy. Kásipkerler osy ortalyqqa kelip, óz jobalaryn usynyp, keńes ala alady. Aýdandyq kásipkerler keńesinde maquldanǵan joba «Aýyl sharýashylyǵyn qarjylaı qoldaý qory» AQ oblystyq fılıalyna jiberiledi. Qazirgi kezde atalmysh ortalyqtarǵa 951,4 mln. teńgeni quraıtyn 108 joba túsken», dedi N.Qaıyrshın «QazAqparat» tilshisine.