BQO-da Jaıyq ózenindegi sý deńgeıi Taıpaqtan basqa gıdrobekette tómendedi
«Qazgıdromet» RMK BQO fılıalynyń 26 sáýir kúngi saǵat 08.00-degi málimetine qaraǵanda, Báıterek aýdany ıAnvartsev aýylynda ózen deńgeıi bir táýlikte 8 santımetrge tústi. Onda qazir – 872 sm (qaýipti shegi – 1 250 sm).
Sondaı-aq Oral qalasy tusynda 4 (855 santımetr, qaýipti shegi – 850 sm), Báıterek aýdany Kóshim aýylynda 2 santımetrge (855 sm) tómendedi.
Esesine Aqjaıyq aýdany Taıpaq aýylynda bir táýlikte 14 santımetrge kóterilip, 562 santımetrge (qaýipti shegi – 850 sm) jetti.
Oblystyń basqa ózenderinde sý deńgeıi túsip jatyr.
BQO TJ departamentiniń baspasóz qyzmetiniń málimeti boıynsha respýblıka óńirleri men qalalarynan kómekke kelgenderdiń bir toby búgin elderine qaıtady. Sonymen qatar áli de qalyp jatqandar bar.
Eske sala keteıik, budan buryn Oral qalasynda 10 evakýatsııalyq pýnktte 2 400-den astam adam ornalasqanyn jazǵan bolatynbyz.