BQO-da jas maman onlaın qabyldaýdan keıin jumysqa turýǵa múmkindik aldy
«Halyq únine qulaq asatyn memleket» tujyrymdamasyn iske asyrý aıasynda BQO polıtsııa departamentiniń bastyǵy, general-maıor Maqsuthan Ablazımov apta saıyn onlaın rejımde azamattardy qabyldaıdy.
Jyl basynan beri departament bastyǵynyń qabyldaýynda 23 turǵyn boldy. Sonymen qatar oǵan Feısbýk pen Instagramm áleýmettik jelileri arqyly habarlasa alady.
Osy áleýmettik jeli arqyly habarlasqan Terekti aýdanynda turatyn jas mamannyń máselesi sheshildi deýge bolady. Joǵary oqý ornyn bitirgennen keıin jas qyz polıtsııaǵa qyzmetke turǵysy kelgen, biraq boıy kelmegen. Osy armanynan aınymaǵan ol Maqsuthan Nuǵmanulynyń atyna hat jazyp, ótinish bildirgen.
M.Ablazımov jas mamandy qabyldap, ony polıtsııa departamentine ákimshilik memlekettik qyzmetshi retinde jumysqa qabyldaý týraly nusqaý berdi.
Sondaı-aq oblystyń bas polıtseıine advokat baılanysqa shyǵyp, aýdandyq polıtsııa bólimderiniń birindegi sotqa deıingi tergep-tekserý isin tergeý basqarmasynyń óndirisine berýdi suraǵan.
«Barlyq ótinishter boıynsha tıisti sharalar qabyldandy. Departament bastyǵy ózi advokat shaǵymdanǵan aýdandyq polıtsııa bólimine jumys saparymen barady. Sol kezde bul másele qaralatyn bolady», dedi QazAqparat tilshisine BQO polıtsııa departamentiniń resmı ókili Bolatbek Belgibekov.
Polıtsııa departamenti bastyǵynyń jeke qabyldaýyna 98-42-21 telefony arqyly aldyn ala jazylýǵa nemese áleýmettik jelilerdegi paraqshasy arqyly júginýge bolady.