BQO-da jańadan kelgen 100-ge jýyq jas dáriger jumysqa ornalasty
QR Densaýlyq saqtaý mınıstrligi komıssııasynyń sheshimimen bıyl óńirge 118 dáriger bólindi. BQO densaýlyq saqtaý basqarmasy málim etkenindeı, kúni búgin sonyń 94-i oblysqa kelip, jumysqa kirip úlgerdi. Osynyń basym kópshiligi (74-i) – Aqtóbe qalasyndaǵy M.Ospanov atyndaǵy Batys Qazaqstan medıtsına ýnıversıtetiniń túlekteri.
Oblysqa jańadan kelgen jas mamandarǵa barlyq jaǵdaı jasalýda.
Sondaı-aq Batys Qazaqstan joǵary medıtsına kolledjin támamdaǵan 307 mamannyń 242-si qala men aýdandardaǵy medıtsına mekemelerine ornalasty. «Maqsat» jeke medıtsına kolledjin 236 jas bitirse, sonyń 144-i eńbek ornyn tapty.
Qazirgi tańda aýrýhanada emdelip jatqan koronavırýs dertine shaldyqqandardyń sany qysqarǵandyqtan, orta býyn medıtsına qyzmetkerleri arasynda da tapshylyq joq.
Statsıonarlarda barlyǵy 111 medıtsına qyzmetkeri (19 dáriger, 51 orta býyn qyzmetkeri, 41 kishi qyzmetker) eńbek etýde.
Eske ketsek, Batys Qazaqstanda 67 myń adamǵa tumaýǵa qarsy vaktsına saldynady.