BQO-da jańa sýdıalar tanystyryldy

ORAL. QazAqparat - Batys Qazaqstan oblysynda Elbasynyń 2016 jylǵy 30 jeltoqsandaǵy Jarlyǵymen taǵaıyndalǵan jańa sýdıalar tanystyryldy, dep habarlaıdy «QazAqparat» HAA tilshisi.

Syrym aýdandyq sotynyń sýdıasy bolyp taǵaıyndalǵan Taımas Keńesuly Nııazovty BQO soty qylmystyq ister jónindegi sot alqasynyń tóraǵasy mindetin atqarýshy Nııazbek Dildábekov tanystyryp, onyń osy salada tájirıbesi mol ekendigin atap ótti. «Syrym óńirinde ádil tórelik etý dástúri áýelden qalyptasqan. Ataqty bı Syrym Datuly, Alash kósemi, zańger Jahansha Dosmuhamedov syndy biregeı tulǵalardy búkil el biledi. Aýdannyń jańa sýdıasy da zańnyń ústemdigi úshin adal eńbek etedi dep senemin», dedi aýdan ákimi Abat Shynybekov.

 

Taımas Nııazov 1979 jyly Qostanaı oblysynda  dúnıege kelgen.

Sol sekildi BQO boıynsha sottar ákimshisiniń basshysy Raqymqul Aıtmaǵambetov Elbasy Jarlyǵymen Tasqala aýdandyq sotynyń sýdıasy bolyp taǵaıyndalǵan Álııa Teberikovany aýdan aktıvine tanystyryp, jumysyna sáttilik tiledi.

 

BQO sotynyń baspasóz qyzmetinen túsken málimetke qaraǵanda, Á.Teberikova 1998-2005 jyldary Jetisý aýdandyq sotynyń kýreri, 2005-2008 jyldary osy sottyń bas mamany, 2008-2009 jyldary Almaty qalalyq advokattar alqasy advokatynyń mashyqtanýshysy, 2009-2010 jyldary «KB-Agro Company» JShS-niń, «Z-Club» JShS-niń zańgeri, 2011-2014 jyldary Almaty qalasy Medeý aýdandyq sotynyń bas mamany, 2014-2016 jyldary osy sot májilisiniń hatshysy qyzmetterin atqarǵan.