BQO-da jańa saýyqtyrý kesheni ashyldy
Keshe aýdan ortalyǵynda 320 oryndyq kórermen zaly bar dene shynyqtyrý kesheni ashyldy. Kópten kútken ǵımarattyń ashylý rásimine aýdan ákiminen bastap, aýdan turǵyndary men sportshylar qatysty. Saltanatty jıynǵa arnaıy at basyn burǵan oblys ákiminiń orynbasary Qaıyrjan Meńdiǵalıev pen Qarashyǵanaq petroleým opereıtıng b.v. kompanııasy bas dırektorynyń orynbasary Muhtar Mankeev sóz sóılep, jınalǵandardy keshenniń ashylýymen quttyqtady.
«Bul jańa sport kesheni aýdan turǵyndaryna sporttyń kez-kelgen túrimen aınalysýǵa úlken múmkindik beredi. ıAǵnı, bolashaqta salaýatty ómir saltyn qalyptastyra otyryp, sportqa degen talanty bar bolashaq chempıondardy daıyndap shyǵarýǵa úles qosatyn oryn bolmaq. Sondyqtan, bul jerden Tasqalanyń atyn shyǵaratyn kóptegen myqty sportshylar shyǵady degen senimdemin»- degen Qaıyrjan Ermekuly aýdandyq sport klýbynyń dırektory Mahambet Dúısembıevke saltanatty túrde oblys ákimi Narıman Tóreǵalıevtiń atynan sý jańa mıkroavtobýstyń kiltin usyndy.
Odan ári sóz alǵan Muhtar Naýyryzbaıuly men jerlesimiz, sport ardageri Telman Mashırov jáne Qýat Mýsın aýdan turǵyndaryn aıtýly merekemen quttyqtady. Óz kezeginde Qýat Naýryzuly sport quraldaryn alý úshin sport ardagerleri atynan 100 myń teńgeniń sertıfıkatyn tabystady.
Shara barysynda «QS Capital Construction» JShS merdigerlik kompanııasynyń dırektory Myrzabek Abdeshev aýdandyq mádenıet, tilderdi damytý deneshynyqtyrý jáne sport bóliminiń basshysy Muhtar Tańatjanulyna jańa ǵımarattyń kiltin tabys etti. Saltanatty jıyn deneshynyqtyrý saýyqtyrý kesheniniń lentasyn qııý rásimimen jalǵasty. Bul mańyzdy sát oblys ákiminiń orynbasary Qaıyrjan Meńdiǵalıev pen Qarashyǵanaq petroleým opereıtıng b.v. kompanııasy bas dırektorynyń orynbasary Muhtar Mankeevke, sondaı-aq, sambo kúresinen Álem chempıony Baýyrjan Mambetov pen Batyr atamyz S.Jaqsyǵulov týrnıriniń alǵashqy chempıony Erbolat Júsipovke buıyrdy. Shashý shashylyp, án shyrqaldy. Bul sát kópshiliktiń kóńilin kóterip, kelýshilerge kóterińki kóńil-kúı syılady.
Shara sońynda barlyq qatysýshylar jańa sport keshenimen tanysty. Ǵımarat ishinde zamanaýı sporttyq jabdyqtar men jattyǵý alańdary bar. Sondaı-aq, munda jattyqtyrýshylar bólmesi, trenajorlyq zal men medıtsınalyq kabınet, gımnastıka jáne kúres zaldarymen qosa fýtbol, voleıbol, basketbolǵa arnalǵan arnaıy zaldar men kabınetter ornalasqan.
Aıta ketsek, «320 oryndyq dene shynyqtyrý-saýyqtyrý kesheniniń» qurylys nysany 2022 jyly qurylys materıaldarynyń qymbattaýyna baılanysty jobaǵa túzetý jumystary júrgizilip, memlekettik saraptamadan ótti. KPO b.v kompanııasy qurylys-montaj jumystaryn bastaý úshin tendirlik rásimder júrgizip, merdiger mekeme «QS Capital Construction» JShS-gi tanylǵan bolatyn. Qurylys-montaj jumystary ótken jyldyń shilde aıynda qaıtadan bastalyp, joba boıynsha qurylys ýaqtyly aıaqtalyp, búginde paıdalanýǵa berildi.