BQO-da jańa qaýly: saýda úılerine turǵyndar tek «jasyl» mártebemen ǵana kire alady

ORAL. QazAqparat – BQO bas memlekettik sanıtar dárigeriniń jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, atalǵan qaýly 27 jeltoqsannan bastap kúshine enedi.

Qaýlyǵa sáıkes saýda jáne oıyn-saýyq úıleri, saýda ortalyqtary, halyqqa qyzmet kórsetý ortalyqtaryna turaqty medıtsınalyq qarsy kórsetilimderi bar adamdardy qospaǵanda, qyzmetkerler men kelýshiler tek «jasyl» mártebemen kire alady. Sondaı-aq vaktsınatsııa, synama alǵan kezden bastap 7 táýlikten aspaıtyn teris nátıjesi bar PTR testisi bar, sońǵy úsh aı ishinde COVID-19-ben aýyryp jazylǵan adamdarǵa shekteý qoıylmaıdy.

Oblysta turaqty medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda, vaktsına almaǵan qyzmetkerlerdiń jumysqa kelýi de shekteledi. Nemese olar 7 kúnde 1 ret mindetti túrde PTR testiden ótýi tıis.

Eske sala keteıik, budan buryn BQO-da pandemııa bastalǵannan beri indet juqtyrǵandar sany 40 myńnan asqanyn, JRVI-men syrqattanýshylar sany 2,6 esege óskenin jazǵan bolatynbyz.