BQO-da zań buzǵan qurylys kompanııalaryna 53 mln teńgeden astam aıyppul salyndy
Basqarma basshysy Azamat Aǵeleýovtiń óńirlik kommýnıkatsııalar qyzmeti alańynda ótken brıfıngte málim etkenindeı, shaǵymdaný sebepteri — qurylysqa bastapqy ruqsat qujattardyń bolmaýy, qabyldanǵan nysandar sapasynyń tómendigi, oryndalmaǵan jumys aktilerine qurylysqa qatysýshy sýbektilermen qol qoıylýy jáne basqalar.
Zańbuzýshylyq derekteri boıynsha basqarma ótken jyly jospardan tys 99 tekseris júrgizip, sony joıýǵa 69 nusqama berilgen.
«Basqarma tarapynan 155 ákimshilik is qozǵalyp, 53 mln 686,193 myń teńge aıyppul salynyp, sonyń 51 mln 871,493 myń teńgesi óndirildi. Sonyń ishinde 61-i ákimshilik sot organdaryna joldandy. Mysaly, Oral qalasy mamandandyrylǵan ákimshilik sotynyń 2023 jylǵy 20 qyrkúıektegi qaýlysymen D. Shaıhıeva QR Ákimshilik quqyqbuzý kodeksiniń 319-baby boıynsha kináli dep tanylyp, I.Rýjeınıkov kóshesi 9/1-mekenjaıynda zańsyz turǵyzylǵan kóppáterli turǵyn úı májbúrli túrde buzyldy. Oǵan qosa 51 750 teńge kóleminde aıyppul salyndy. Sondaı-aq osyndaı sebeppen Bórli aýdandyq sotynyń qaýlysymen Aqsaı qalasy S. Datuly 35/1-mekenjaıynda zańsyz turǵyzylǵan qurylys májbúrli túrde súrilip tastaldy» deıdi A.Aǵeleýov.
Azamat Muratulynyń sózine qaraǵanda, merdiger mekemeler — «NýrTehServıs», «NurQurylysBolashaq», «Jıenbaı», «PavlodarRechPort», «Baımen», «RemStroı», «KasProStroi», «SMÝ ShYGYS» jáne «KompanııaNýraıStroı» JShS-ǵa ákimshilik sharalar qoldanylǵan.
Sol sekildi QR Ákimshilik quqyqbuzý kodeksiniń 317-1-baby 2-bóligine sáıkes tehnıkalyq qadaǵalaýdy júzege asyratyn «Nurálem-Qurylys» JShS-ne 1 mln 690,5 myń teńge, «Alem-11» JShS-ne 2 mln 415 myń teńge aıyppul salynyp, bul mekemeler akkredıtteý kýáliginen aıyryldy. Osy kodekstiń 317-1-baby 1-bóligine sáıkes
«Stroııntegratsııa» salynatyn kásiporyndar dırektsııasy» JShS-ne 862,5 myń teńge, «Ásem-Qurylys-Qyzylorda» JShS-ne 1 mln 207,5 myń teńge, «TN Stroy» JShS-ne 1 mln 207,5 myń teńge kóleminde aıyppul salyndy.
Al sarapshy S. ıAýdınge 317-baptyń 3-bóligine sáıkes 434,7 myń teńge aıyppul salynyp, ol tehnıkalyq qadaǵalaý júrgizý quqyǵyna sarapshy attestatynyń qoldanysyn alty aı merzimge toqtatý túrinde ákimshilik jazaǵa tartyldy.
Basqarma basshysynyń málimdeýinshe, osy turǵyda aıta ketetin jaıt, memlekettik sáýlet-qurylys baqylaý organdary tehnıkalyq qadaǵalaý uıymdaryn akkredıtteý kýáliginen aıyrǵanymen, bul uıymdar qaıtadan akkredıtteý kýáligin alyp, jumystaryn jalǵastyrýda, ıaǵnı, zańmen belgili bir talappen shekteý qoıylmaǵan.
Taǵy bir mańyzdy másele tehnıkalyq qadaǵalaýdy uıymdastyrýǵa baılanysty. Mysaly, E-qurylys elektrondy portalyna basqarma júrgizgen monıtorıngke sáıkes «Nurálem-Qurylys» JShS-si qarasha aıyndaǵy málimetter boıynsha 211 nysanǵa memlekettik esep tapsyrǵan.
Biraq komıtet bekitken tehnıkalyq sarapshylar tiziliminde atalǵan mekemede nebary 59 sarapshy (3-4 nysanǵa 1 sarapshy) bar ekeni anyqtaldy.
Bul tehnıkalyq sarapshy uıymdary jumysynyń sapasyna tikeleı áser etedi.
Bıýdjet esebinen salynyp jatqan nysandardy salý kezinde tehnıkalyq qadaǵalaý boıynsha jeńimpaz bolǵan uıym tapsyrys berýshige buıryqpen tehnıkalyq sarapshylaryn beredi.
Alaıda qurylys-montaj jumystary bastalǵannan bastap nysanda ózge tehnıkalyq sarapshylardyń júretini anyqtalyp otyr.
ıAǵnı bular — qurylys jáne turǵyn úı-kommýnaldyq sharýashylyq isteri komıtetiniń tehnıkalyq qadaǵalaýshylar boıynsha akkredıttelgen saraptama uıymdary tizilimine engizilmegen nemese ózge tehnıkalyq uıym quramyndaǵy sarapshylar.
«Zańǵa sáıkes tapsyrys berýshiler memlekettik satyp alý boıynsha jeńimpaz bolǵan tehnıkalyq uıymnyń buıryqpen bergen sarapshylarynyń nysanda bolýyn qamtamasyz etýi tıis. Eger de tehnıkalyq uıym zańnamaǵa sáıkes sarapshylaryn usynbasa, turaqty túrde qadaǵalaý júrgizilmegen jaǵdaıda, tıisti belgi qoıyp, kelisimshartty buzý boıynsha tıisti sharalar qabyldaýy qajet nemese memlekettik sáýlet-qurylys baqylaý basqarmasyna shaǵymdanýy kerek. Alaıda kópshilik jaǵdaıda tapsyrys berýshilerden shaǵymdar túspeýine baılanysty basqarma tarapynan tıisti sharalar qabyldaý múmkin bolmaıdy. Basqarma mundaı jaǵdaıda qurylys nysandaryna monıtorıng júrgizý ádisimen óz qyzmetterin atqarady. Bıyl 52 aryz-shaǵymnyń 39-y jeke, 13-i zańdy tulǵalardan túsken. Sonyń negizinde jospardan tys 15 tekseris taǵaıyndalyp, 8-i boıynsha zańbuzýshylyqtar anyqtalýda. Tekserisi aıaqtalǵan aktiler boıynsha 11 ákimshilik quqyqbuzýshylyq týraly hattama toltyryldy. Sonyń ishinde bir ákimshilik is sot organymen qaralyp, 830,7 myń teńge kóleminde aıyppul salyndy. Mundaı jumystar aldaǵy ýaqytta da jalǵasady» dep túıindedi sózin A.Aǵeleýov.