BQO-da ushaqta sábıdi aman alyp qalǵan dáriger marapattaldy

<p>ORAL. KAZINFORM &ndash; Batys Qazaqstan oblysynda ushaq bortynda 1,6 jasar sábıdiń ómirin saqtap qalǵan BQO kópbeıindi balalar aýrýhanasynyń neonanotolog-dárigeri Gúlsim Jumaǵalıeva marapattaldy.&nbsp;</p>

BQO densaýlyq saqtaý basqarmasynyń basshysy Erlan Toqsanov Gúlsim Mınahqyzyna rızashylyǵyn bildirip, alǵyshat tabys etti.

«Kez kelgen órkenıetti eldegi mańyzdy sala – medıtsına. Al dárigerlik – mamandyqtyń asyly, adam ómiriniń arashashysy. Bul salaǵa tek júrek qalaýymen ǵana keledi. Siz – densaýlyq salasynda eńbek ete júrip, jumystan tys ýaqytta da joǵary kásibı biliktiligińizben qatar adamgershilik qasıetti ushtastyra bilgen jansyz. Óz mindetińizge degen asa jaýapkershiligińiz jas mamandarǵa úlgi bolary sózsiz. Osy oraıda, kúni keshe ǵana elimizge málim bolǵan sizdiń erlik áreketińiz: Almaty – Oral baǵytyndaǵy ushaq bortynda jedel ári batyl sheshim qabyldap, kishkentaı sábı ómirin aman alyp qalǵanyńyz úshin zor alǵys bildiremiz. Densaýlyq saqtaý basqarmasy atynan denińizge saýlyq, otbasyńyzǵa amandyq, qyzmetińizge tabys tileımiz», - dedi basqarma basshysy.

Gúlsim Jumaǵalıeva sábı asa qıyn jaǵdaıda tap bolǵan kezde ózine kómektesken FlyArystan áýe kemesiniń stıýardessalaryna da alǵysyn jetkizdi. 

Eske sala keteıik, budan buryn oraldyq dárigerdiń ushaqta júrek soǵysy toqtap qalǵan sábıdi aman alyp qalǵanyn jazǵan bolatynbyz.