BQO-da úsh kúnde 33 qolaısyz otbasy anyqtaldy

ORAL. QazAqparat - Jasóspirimder arasynda qylmys pen quqyq buzýshylyqtyń jáne olarǵa qatysty turmystyq kúsh qoldanýdyń aldyn alý maqsatynda oblys aýmaǵynda júrgizilgen «Qolaısyz otbasy» jedel aldyn alý sharalary barysynda 33 otbasy anyqtaldy, dep habarlaıdy «QazAqparat» HAA tilshisi.

BQO ishki ister departamentiniń baspasóz qyzmetinen túsken málimetke qaraǵanda, sharaǵa jergilikti atqarýshy organdar, prokýratýra, bilim, densaýlyq saqtaý basqarmasynyń ókilderi qatysty.
 

Úsh kún ishinde ishki ister organdaryna ákimshilik quqyqbuzýshylyqqa barǵan 100-den astam jasóspirim jetkizildi. Jergilikti polıtsııa qyzmetkerleri túngi ýaqytta zańdy ókiliniń ilesýinsiz júrgen 70-ten astam «júgermekti» ustady. Oǵan qosa balalaryn tárbıeleýde mindetin durys atqarmaǵan 26 ata-ana ákimshilik jaýapkershilikke tartyldy.
 

Bul baǵyttaǵy jumys aldaǵy ýaqytta da jalǵasyn tabatyn bolady.