BQO-da úleskerlerden zańsyz qarjy tartqan 24 qurylys kompanııasy anyqtaldy

<p>Batys Qazaqstan oblysy boıynsha Oral qalasynyń prokýratýrasy jeke qurylys salýshylardyń qyzmetin taldaý barysynda biryńǵaı operatormen shart jasaspaı úleskerlerdiń aqshasyn zańsyz tartqan 24 qurylys salýshyny anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

"Prokýrorlyq qadaǵalaý aktisi negizinde jalpy somasy 5 mln teńgeden astam aıyppul óndirilip, 10 zańdy tulǵa ákimshilik jaýapkershilikke tartyldy (qalǵandary qaralý satysynda). Olardyń ishinde, «Stroı Tehno Grýpp», «SVS Batys», «ATM Group Kazakhstan», «Bıznes Plan», «Sapar Stroı Azııa», «KMT-Sıtı Stroı», «Alim Construction LTD», «ATJ2» jaýapkershiligi shekteýli seriktestikteri bar", - dep jazdy baqylaýshy organnan.

Aqparatta aıtylǵandaı, bul baǵyttaǵy jumystar jalǵasyn tabýda.