BQO-da úkimettik emes uıymdarǵa bólingen 475 mln teńgeniń ıgerilýi kóńil kónshitpeıdi
Onda oblys ákimi Altaı Kólginovtiń atap ótkenindeı, azamattyq qoǵam qarqyndy damysa, ol demokratııasy qalypty, básekege qabiletti ekonomıkasy bar memlekettiń belgisi bolyp tabylady. Eger elimiz táýelsizdik alǵannan bergi ýaqyt ishinde kóptegen tabystarǵa qol jetkizse, onda úkimettik emes uıymdardyń óz úlesi bar. Halyqtyń áleýmettik hal-ahýalynyń jaqsara túsip, eldiń bereke-birligi men yntymaǵynyń artýyna da osy uıymdar yqpal ete alady. Kóp nárse qoǵamdaǵy túrli máselelerdi ýaqtyly da biliktilikpen sheshýge baılanysty.
Qazirgi tańda elimizde 18 myńnan astam úkimettik emes uıymdar esepke ilinse, olarda 30 myńnan astam adam eńbek etedi. Al óńirde osyndaı 660 uıym tirkelse, solardyń 100-i nemese altydan biri ǵana belsendi bolyp esepteledi. ıAǵnı kópshiligi qaǵaz júzinde qalǵan degen sóz. Sondyqtan olardyń belsendiligin arttyrý kerek. Sonyń bir joly - jyl saıyn memlekettik áleýmettik tapsyrys negizinde úkimettik emes uıymdarǵa qarjy bólinetini belgili. Bıyl 14 baǵyttaǵy 165 áleýmettik mańyzdy jobalar boıynsha 475 mln teńgeden astam qarjy qarastyryldy. Degenmen osy qarjynyń ıgerilýi kóńil kónshitpeıdi, olardyń esep-qısaptary da tıisti deńgeıde emes. Memleketten qarjy bólingen soń ony tıimdi paıdalanýdyń mańyzy zor, muny túbegeıli ózgertpeı bolmaıdy. Sol sekildi úkimettik emes uıymdar men memlekettik organdardyń birlesken is-áreketi de kemshin. Qazaqstanda jobalardy birlesip júzege asyratyn memlekettik organdar sany tórt esege jýyq artqanymen, óńirde bul kórsetkish tómen bolyp tur. Aıtalyq, úkimettik emes uıymdarmen birge jumys jasaıtyn 200 bıýdjettik baǵdarlama ákimshisi bolsa, Batys Qazaqstanda tek bes basqarma (2,5 paıyz) ǵana bar. Bul jetkiliksiz, árıne. Jańa jyldan bastap olardyń qataryna taǵy bes oblystyq basqarma (mádenıet, muraǵattar jáne qujattama, dene shynyqtyrý jáne sport, din isteri, bilim, kásipkerlik jáne ındýstrıaldy-ınnovatsııalyq damý) qosylatyn bolady. Sondyqtan buǵan qazirden bastap ázirlený qajet.
«BQO Azamattyq alıansy» qaýymdastyǵynyń prezıdenti Álııa Sálıeva atalǵan qoǵamdyq birlestiktiń tek oblys qana emes, respýblıkalyq deńgeıdegi memlekettik jobalardy júzege asyrýǵa qatysyp kele jatqanyn jetkizdi. Mysaly, «BQO Azamattyq alıansy» «Azamattyq baqylaý» jobasy aıasynda memlekettik qyzmet isteri jónindegi oblystyq departamentimen, sondaı-aq oblystyń qoǵamdyq keńesteriniń jumysyna monıtorıng júrgizýde Din isteri jáne azamattyq qoǵam mınıstrligimen tyǵyz baılanysta jumys jasap keledi. Oblysta úkimettik emes uıymdar ekologııa, balalar men áıelder quqyǵyn qorǵaý, kedeıshilikpen kúres, otbasylyq qundylyqtardy nyǵaıtý, aýrýlardyń aldyn alý, bilim men ǵylym, salamatty ómir saltyn damytý syndy salalarda basymyraq jumystanýda.
Jıynǵa qatysqan «Azamattyq bastamalardy qoldaý ortalyǵy» AQ-nyń basqarma tóraǵasy Nurlan Óteshov azamattyq sala belsendilerine qoldaýdyń qalaı kórsetiletini, memlekettik tapsyrys negizinde áleýmettik mańyzdy jobalardy júzege asyrýdyń tetikteri, úkimettik emes uıymdardy granttyq qarjylandyrý júıesi týraly áńgimelep berdi. «Qazaqstan - 2050» jalpyulttyq qozǵalysy keńesiniń tóraǵasy Muhtar Mankeev Elbasy ıdeıasymen qurylǵan jalpyulttyq qozǵalysqa úsh jylǵa jýyq ýaqyttyń ishinde segiz myńdaı adamnyń qosylǵanyn atap ótti. Olardyń qatarynda zeınetkerlermen qatar orta býyn ókilderi, túrli mamandyq ıeleri, jastar bar. Osy merzim ishinde túrli baǵyttaǵy qyryqtan astam joba júzege asyryldy. Endigi mindet úkimettik emes uıymdar men qoǵamdyq keńesterdiń basyn biriktirý bolyp tur.
Forým sońynda azamattyq qoǵamnyń damýyna súbeli úles qosqan belsendi uıymdar basshylaryna oblys ákiminiń alǵyshattary tabys etildi.