BQO-da turǵyn úıdegi órt ornynan eki adamnyń múrdesi tabyldy

<p>Batys Qazaqstan oblysynda turǵyn úıdegi órt ornynan eki adamnyń múrdesi tabyldy, dep habarlaıdy <a href="Kazinform" target="_blank" rel="noopener">Kazinform</a>.</p>

BQO TJ departamentiniń baspasóz qyzmetinen málim etkenindeı, oqıǵa 10 jeltoqsan kúni Báıterek aýdany Sadovoe aýylynda boldy.

«Saǵat 07.25-te jeke úıdiń tóbesi men jeke zattar janǵan. Órt aýmaǵy shamamen 15 sharshy metrdi qamtydy. Oqıǵa ornynan 40 jáne 30 jastaǵy er adamnyń denesi tabyldy. «Tilsiz jaý» saǵat 08.29-da oqshaýlanyp, 08.55-te aýyzdyqtaldy. Jalyndy sóndirýge 21 adam 6 tehnıkamen jumyldyryldy. Órttiń shyǵý sebebi, keltirilgen shyǵyn anyqtalý ústinde», dep habarlady vedomstvodan.

Eske sala keteıik, budan buryn Oralda garaj ben shaǵyn avtobýstyń janyp ketkenin jazǵan bolatynbyz.