Batys Qazaqstanda turaqtandyrý qorynda azyq-túlik jetkilikti me, baǵasy qandaı
BQO kásipkerlik jáne ındýstrıaldyq-ınnovatsııalyq damý basqarmasynyń basshysy Nurjan Ótepbaevtyń málim etkenindeı, Batys Qazaqstan oblysynyń turaqtandyrý qoryna 172 mln teńgege 499,7 tonna azyq-túlik jáne 47 mln teńgege 1 mln dana taýyq jumyrtqasy satyp alyndy.
Onyń sózine qaraǵanda, sonymen qatar «aınalym shemasy» tetigi boıynsha 2,5 mlrd teńgege 8,8 myń tonna taýarǵa, forvardtyq qarjylandyrý aıasynda 1,0 mlrd teńgege 7,3 myń tonna ónimge kelisim-shart jasaldy.
«Aýdandardy qarjylandyrý aıasynda «aınalym shemasy» tetigi boıynsha 145 mln teńgege 506 tonna taýarǵa kelisim-shart jasaldy», deıdi N.Ótepbaev.
BQO aýyl sharýashylyǵy basqarmasynyń basshysy Jasulan Halıýllınniń naqtylaýynsha, qazirgi tańda 17,2 myń tonna («aınalym shemasy» – 8,8 myń tonna, forvardtyq kelisim-shart – 7,3 myń tonna, turaqtandyrý qory – 0,6 myń tonna, aýdandar – 0,5 myń tonna) azyq-túlik taýarlary jáne 3,85 mlrd teńgege 6 mln dana jumyrtqa («aınalym shemasy» – 2,5 mlrd teńge, forvardtyq kelisim-shart – 1 mlrd teńge, turaqtandyrý qory – 0,2 mlrd teńge, aýdandar – 0,15 mlrd teńge) qory bar.
«Sonyń ishinde maýsymaralyq kezeńge (2024 jylǵy naýryz – 2025 jylǵy naýryz) 1,75 mlrd teńgege 3 960 tonna taýar (1 surypty un, kúrish, qaraqumyq, kúnbaǵys maıy, qant, sút, makaron), 2024 jyldyń qarashasynan 2025 jyldyń sáýirine deıingi merzimge 1,48 mlrd teńgege 12 237 tonna taýar (kartop, pııaz, sábiz, qyryqqabat) jáne 257,5 mln teńgege 5 mln dana jumyrtqa qory jasaqtalǵan. Sondaı-aq turaqtandyrý qoryna 173 mln teńgege 508 tonna taýar (kúrish, qaraqumyq, qant, kúnbaǵys maıy, kartop, sábiz, pııaz, qyryqqabat) jáne 47 mln teńgege 1 mln dana jumyrtqa satyp alynǵan. Oǵan qosa «aınalym shemasy» boıynsha 145 mln teńgeniń 506 tonnasyn aýdandardyń saýda núkteleri qarjylandyrǵan», deıdi J.Halıýllın.
Basqarma basshysynyń aıtýynsha, arzandatylǵan ónimdi jetkizýge barlyq iri saýda jelilerimen («Altyndar», «Peshehod», «Lıder», «Mango», «Vega», «Anvar», «Sotsıalnyı», «Aıajan», «Sýrovskıı») kelisim jasalǵan.
Jergilikti taýar óndirýshilermen mynadaı ónimderge kelisimge qol jetkizildi: kartop - 5 365 tonna, sábiz - 967 tonna, pııaz - 2 786 tonna, qyryqqabat - 800 tonna, 1 surypty nan - 167 tonna, rojkı - 200 tonna, kúnbaǵys maıy - 300 tonna, 1 sanatty jumyrtqa - 3,8 mln. dana, sút - 800 tonna.
Basqa oblystardyń jetkizýshilerimen óńirge 350 tonna kúrish, 60 tonna qaraqumyq, 1 891 tonna qant, 1 300 tonna kartop, 1 700 tonna pııaz, 1 myń tonna sábiz, 1 myń tonna qyryqqabat ákelinbekshi.
Endi baǵaǵa kelsek:
№ | Ataýy | Satý baǵasy | Oral qalasyndaǵy baǵa(+10%) | Aýdandardaǵy baǵa (+15%) |
1 | Kúnbaǵys maıy «Beles» | 525 | 577 | 603 |
2 | Rojkı | 250 | 275 | 287 |
3 | Kúrish | 290 | 319 | 333 |
4 | Kartop | 135 | 149 | - |
5 | Sút maılyǵy 2,5% | 260 | 286 | 299 |
6 | Qant | 350 | 385 | 402 |
7 | Pııaz | 100 | 110 | - |
8 | Sábiz | 150 | 165 | - |
9 | Qyryqqabat | 100 | 110 | - |
Kúni búginge «Ajgereeva» JK-men kókónis ónimderin (100 tonna kartop, 60 tonna pııaz, 10 tonna sábiz) jetkizýge kelisim jasalǵan.
Oblystyń barlyq saýda jelilerine kókónis ónimderin mynadaı baǵamen jetkizýge taýarlyq ınterventsııa jasalýda:
№ | Ataýy | Satý baǵasy | Oral qalasyndaǵy baǵasy (+10%) |
1 | Kartop | 135 | 149 |
2 | Pııaz | 100 | 110 |
3 | Sábiz | 150 | 165 |
Eske sala keteıik, budan buryn Batys Qazaqstanda shaǵyn jáne orta kásipkerlikti qoldaýǵa 2,7 mlrd teńge bólinip otyrǵanyn jazǵan bolatynbyz.