BQO-da tumanǵa baılanysty birneshe respýblıkalyq jol jabyldy

ORAL. QazAqparat – Batys Qazaqstan oblysynda tumanǵa baılanysty birneshe respýblıkalyq avtojol jabyldy, dep habarlaıdy QazAqparat tilshisi.

«QazAvtoJol» JShS BQO fılıalynyń málimeti boıynsha 21 aqpan kúni jergilikti saǵat 21.35-ten bastap aýa raıynyń nasharlaýyna baılanysty respýblıkalyq mańyzy bar Atyraý-Oral (492-189 km, Oral qalasynan Atyraý oblysy shekarasyna deıin) jolynda barlyq kólik túrleri úshin qozǵalysqa shekteý qoıyldy.

Sondaı-aq respýblıkalyq mańyzy bar Oral-Tasqala-RF shekarasy (4-104 km, Oraldan RF shekarasyna deıin), Podstepnyı-Fedorov-RF shekarasy (0-144 km, Podstepnyıdan RF shekarasyna deıin), Samara-Shymkent (195-251 km, Reseı shekarasynan Aqtóbe oblysyna deıin), Chapaev-Jalpaqtal-Kaztalov (0-213 km, Chapaevtan Kaztalovqa deıin) joldary jabyldy.

Óńirde qalyń tuman túsip, joldyń kórinýi nasharlaǵan.

Osyǵan baılanysty BQO Tótenshe jaǵdaılar departamenti eskertý jarııalap, turǵyndarǵa habarlama jiberýde.

BQO TJD 22 aqpan kúni oblystyń keı jerlerinde qatty kóktaıǵaq bolyp, tuman túsetinin jetkizdi.

Eske sala keteıik, budan buryn Batys Qazaqstan oblysynda qar qursaýynan 12 adamnyń qutqarylǵanyn jazǵan bolatynbyz.