BQO-da traktormen adam qaǵyp óltirgen polıtseı qyzmetinen qýyldy

<p>ORAL. KAZINFORM - Batys Qazaqstan oblysynda traktormen polıtsııa qyzmetkeri qaǵyp ketken er adam kaza tapty.</p>

BQO polıtsııa departamentiniń baspasóz qyzmetinen málim etkenindeı, oqıǵa Syrym aýdany Buldyrty aýylynda boldy.

Júrgizýshi «MTZ-80» traktorymen artqa qaraı júrgen kezde abaısyzda 1979 jylǵy er adamdy basyp ketken. Marqum oqıǵa ornynda kóz jumdy.

«Atalǵan derek boıynsha QR QK 345-babyna sáıkes sotqa deıingi tergeý amaldary júrgizilýde. Júrgizýshi aldymen ýaqytsha ustaý ızolıatoryna qamaldy. Qazirgi kezde ol sot qaýlysymen úı qamaǵynda otyr. Traktordyń rýlinde aýdandyq polıtsııa bóliminiń qyzmetkeri otyrǵan. Ol kezekti eńbek demalysynda bolǵan. Saraptama qorytyndysyna sáıkes polıtseı ishimdik ishpegen. Ol ishki ister organynan qýyldy», dep habarlady vedomstvodan. 

Eske sala keteıik, budan buryn Oral qalasynyń turǵyny saıajaı shatyrynda esirtki zerthanasyn uıymdastyrǵanyn jazǵan bolatynbyz.