BQO-da tonaý áreketi beınebaqylaýǵa túsip qaldy

ASTANA. QazAqparat - Tamyzdyń 14 kúni túngi 01:11 kezinde Oral qalalyq PB-nyń kezekshi bólimine belgisiz bireýlerdiń qaladaǵy kásiporyndardyń biriniń ǵımaratyna enip, 59 jastaǵy kúzetshige kúsh qoldana otyryp, ishinde 30 myń teńge kóleminde qarjy salynǵan temir seıfti kóterip alyp ketkeni jóninde habarlama kelip túsedi.

Odan ári qylmysqa barǵandar kásiporyn ǵımaratynyń aýlasynda turǵan Largus avtokóligine otyryp, oqıǵa ornynan boı tasalaǵan.

Avtokólik jáne seıf qaladaǵy kóshelerdiń birinen tabyldy. Seıf ashylyp, ishindegi aqsha qylmyskerlerdiń qolynda ketti.

Atalǵan qylmysty ashýǵa BQO PD jáne Oral qalalyq PB barlyq qyzmetteri jumyldyryldy. Kúdikti retinde bes tulǵany anyqtap, qolǵa túsirdi.

Ustalǵandarǵa qatysty QR QK-niń 191-baby 2-bóligine sáıkes sotqa deıingi tergeý amaldary júrgizilýde.