BQO-da tasqynnan zardap shekkender qurylys barysyn beınekamera arqyly baqylaı alady

<p>ORAL. KAZINFORM &ndash; Batys Qazaqstan oblysynda sý tasqynynan zardap shekken óńirlerdi qalpyna keltirý, sonyń ishinde baspanasyz qalǵan jandarǵa turǵyn úı salý jumystary qarqyndy júrip jatyr.&nbsp;</p>

Jańa turǵyn úılerdiń qurylys jumystaryn qadaǵalaý maqsatynda oblys boıynsha 8 eldi mekende 16 beınebaqylaý kameralary ornatyldy. 

Atap aıtqanda, Qaratóbe aýdanynyń Qorjyn aýylyna 2 beınekamera, Syrym aýdanynyń Óleńti jáne Buldyrty aýyldaryna – 4, Terekti aýdanynyń Ańqaty jáne Podstepnoe eldi mekenderine – 4, Bórli aýdanynyń Aqsý, Keńtúbek jáne Pýgachev aýyldaryna 6 beınekamera ornatyldy. 

Foto: BQO ákimdigi

Kez kelgen adam beınebaqylaý kameralary arqyly óńirlerde júrip jatqan qurylys jumystaryn https://www.gov.kz/memleket/entities/qoldau/page/29662?lang=kk siltemesi boıynsha 24 saǵat boıy baqylaı alady. 

«Beıne kameralardyń kómegimen qazaqstandyqtar zardap shekkender úshin salynyp jatqan turǵyn úı qurylysynyń barysyn qadaǵalaý múmkindigin paıdalana alady. Bul tehnologııa, birinshiden, jumystyń sapaly júrgizilýin qadaǵaýǵa múmkindik berse, ekinshiden qurylys materıaldarynyń qoldy bolmaýyna jol bermeıdi», - dedi BQO tsıfrlyq tehnologııalar basqarmasynyń basshysy Nursultan Nurlanuly.