BQO-da tabylǵan kıikterdiń óleksesine saraptama jasalady

ASTANA. QazAqparat – Batys Qazaqstan oblysynda kıikterdiń óleksesi tabyldy, dep habarlaıdy QazAqparat Qazaqstan Respýblıkasy Ekologııa, geologııa jáne tabıǵı resýrstar mınıstrliginiń Qoǵammen baılanys departamentiniń baspasóz qyzmetine silteme jasap.

Baspasóz qyzmetiniń mállimetterine qaraǵanda, Batys Qazaqstan oblystyq orman sharýashylyǵy jáne janýarlar dúnıesi aýmaqtyq ınspektsııasynyń habarlaýynsha, 2022 jylǵy 13 qazan kúni «Ohotzooprom» ÓB» Batys qazaqstan oblystyq fılıalynyń ınspektorlary BQO Jánibek aýdany, Taý aýyldyq okrýgine qarasty Qońyrat mekeninen 2 atalyq kıik múıizimen (1-danasy qańqasy qalǵan, 1-danasy bútin, tolyq) jáne Jiger mekeninen 3 kıik (2-i atalyq múıizderimen, 1 analyǵy) tabylǵan. Tabylǵan kıikterdi qaraý barysynda zaqymdaný belgileri anyqtalmaǵan.

«Oqıǵa ornyna Jánibek aýdany ákiminiń orynbasary, jergilikti polıtsııa qyzmetkeri jáne veterınarııa mamandary birlesip, ólgen kıik janýarlarynyń ishki qurylystarynan saraptamaǵa synama alynyp, sol aýmaqtaǵy mal molasynda joıyldy»,-delingen habarlamada.

Foto: t.me/EcologyofQazaqstan