BQO-da sýmen qamtý jáne jylý jelilerin qaıta qurý úshin Ulttyq qordan 2 529,3 mln. teńge bólindi
Onyń aıtýynsha, 2016 jyly «Nurly jol» memlekettik baǵdarlamasy aıasynda bıýdjettik nesıeleý tetigi arqyly Ulttyq qor qarjysy esebinen Oral men Aqsaı qalalary boıynsha jylý, sýmen jabdyqtaý jáne sý burý jelilerin qaıta qurý boıynsha on jobaǵa 2 554,3 mln. teńge jumsaldy. Osy qarajatqa Oralda 9,77 km sýmen jabdyqtaý, 1,45 km jylý jáne 4,1 km sý burý jelileri qaıta quryldy. Sonyń nátıjesinde oblys ortalyǵyndaǵy jylý jelileriniń tozýy 52,7 paıyzdan 52,4 paıyzǵa, sýmen jabdyqtaý jelileri boıynsha 67,6 paıyzdan 63,6 paıyzǵa, sý burý jelileriniń eskirýi 66,6 paıyzdan 63,5 paıyzǵa tómendedi. Oǵan qosa Aqsaı qalasynda 649,1 mln. teńgege uzyndyǵy 2,71 km Bestaý bas toǵanyn qaıta qurý jobasy júzege asyrylýda. Jobalyq-smetalyq qujattamaǵa sáıkes ótken jyly bastalǵan jóndeý jumystaryn 2017 jyldyń qazan aıynda aıaqtaý kózdelýde. Ótken jyly atalǵan jobalardy júzege asyrý barysynda 223 adam jumyspen qamtyldy.
Sol sekildi «Jumyspen qamtýdyń jol kartasy - 2020» baǵdarlamasy aıasynda ótken jyly QR Úkimetiniń arnaıy rezervinen 52 nysandy aǵymdaǵy jóndeýge jáne eldi mekenderdi abattandyrýǵa 206,6 mln. teńge bólindi. Sonyń nátıjesinde 179 adam jumyspen qamtylsa, sonyń 109-y jumyspen qamtý ortalyqtary arqyly joldandy.
- Ǵalym Ǵubashuly, óńirde qys qalaı ótýde, oǵan ázirlik jumystary qalaı bolyp edi?
- Oblysta 2016-2017 jylǵy jylytý maýsymy qalypty ótýde dep aıta alamyn. Buǵan óńirdegi tyńǵylyqty daıyndyq yqpal etti deýge bolady. BQO ákimdiginiń 2016 jylǵy 20 mamyrdaǵy №155 qaýlysyna jáne bekitilgen is-sharalar josparyna sáıkes ýaqtyly bastalǵan ázirlik jumystaryn júrgizýge barlyǵy 6,9 mlrd. teńge qarastyryldy. Jylytý maýsymyna 100 Gkal/saǵatqa deıingi jylý qazandyqtarynyń otynǵa qajettiligi 323,4 mln. teńgeni (4,4 myń tonna kómir jáne 1,4 myń tonna suıyq otyn) qurady. Jylytý maýsymyna daıyndyq kezinde respýblıkalyq bıýdjet jáne kommýnaldyq kásiporyndardyń óz qarajaty esebinen 12,5 km jylý, 18,9 km sýmen jabdyqtaý, 18,9 km káriz, 666 km elektr (0,4 kV) jelilerine jóndeý jumystary júrgizildi.
Qazirgi tańda «Jaıyqjylýqýat» AQ-nyń rezervtik qorynda 3025 tonna mazýt bar.
Kommýnaldyq jelilerde oryn alǵan tehnologııalyq buzylystar normatıvpen belgilengen merzimde joıylýda.
- Óńirdegi mańyzdy salany biri elektr energetıkasy ekendigi belgili. Bul baǵytta qandaı jumystar atqarylýda?
- Oblysta elektr qýatyn óndirýmen birneshe kásiporyn aınalysady. Atap aıtqanda, «Jaıyqjylýqýat» AQ (Oral jylý-qýat ortalyǵy, qýattylyǵy 30 MVt, «Hitachi» H-25 gaztýrbınaly qondyrǵysy, 28,5 MVt), «QPO b.v.» gaz týrbınaly elektr stansasy (160 MVt), «Oral gaztýrbınaly elektr stansasy» JShS (54 MVt), «Jaıyqmunaı» JShS (16 MVt) burynnan bolsa, «Batys Paýer» JShS ótken jylǵy sáýirde jalpy qýaty 200 MVt Oral gaztýrbınaly elektr stansasynyń birinshi kezegin (100 MVt) iske qosty. Osylaısha oblys tolyqtaı energetıka táýelsizdigine qol jetkizdi. Aldaǵy ýaqytta «Batys Paýer» JShS-nyń óz ónimin Qazaqstannyń basqa óńirlerine jáne eksportqa shyǵarýyna múmkindigi bar.
Reseı Federatsııasynan shaǵyn kólemde elektr qýatynyń alyný sebebi, shalǵaıdaǵy Bókeı ordasy men Jánibek aýdandarynyń birneshe eldi mekenderi reseılik kózderden jetkiziletin ónimmen qamtamasyz etiledi. Óıtkeni ol eldi mekenderge óz elektr qýatymyzdy qolda bar jeliler arqyly jetkizýge tehnıkalyq múmkindik joq.
Aıta keteıik, ótken jyly oblys kásiporyndary 1735,98 mln. kVt/saǵat elektr qýatyn óndirdi, bul 2015 jylǵydan (1576,3 mln. kVt/saǵat) 8,9 paıyzǵa kóp. 2016 jyly elektr qýatyn jalpy tutyný kólemi 1845,3 mln. kVt/saǵatty (2015 jyly - 1843,4 mln. kVt/saǵat) qurasa, sonyń ishinde 49,6 mln. kVt/saǵat «MAEK-Kazatomprom» JShS-dan, 59,7 mln. kVt/saǵat Reseıden alyndy. Kórshi memleketten alynǵan ımport 3,2 paıyzdy ǵana qurady.