BQO-da sý tasqynynan zardap shekkenderge arnalǵan 398 úıdiń qurylysy bastaldy

<p>ASTANA. KAZINFORM &ndash;&nbsp; QR ónerkásip jáne qurylys mınıstri Qanat Sharlapaev Batys Qazaqstan oblysyna jumys sapary aıasynda sý tasqynynan zardap shekken úılerdi baǵalaý jáne tehnıkalyq baıqaýdan ótkizý boıynsha keńes ótkizdi.</p>

Sondaı-aq qurylysshylardy qajetti kólemde qurylys materıaldarymen qamtamasyz etý jáne jańa qurylys alańdaryna bólinbegen nysandardy ornalastyrý máseleleri de talqylandy.

Qazirgi málimetter boıynsha Batys Qazaqstanda qazirdiń ózinde 398 úıdiń qurylysy bastalyp, 726 úıde jóndeý jumystary júrgizilýde, 57 úı satyp alynǵan.

«Búgingi tańda 2761 nysanda tehnıkalyq baıqaý aıaqtalyp, nátıjesinde 401-in qaıta salý, 1063-in satyp alý týraly sheshim qabyldanyp, qalǵan nysandar jóndeýge jatady dep tanyldy», - delingen habarlamada.

Anyqtama úshin. Jalpy, Batys Qazaqstan oblysynda sý tasqyny saldarynan 4041 úı zardap shekse, onyń 1491-i turǵyn úıler jáne 2550-i saıajaılar, jalǵyz baspana bolǵan.

Mınıstr sondaı-aq Batys Qazaqstan oblysyndaǵy sý tasqynynan zardap shekkenderge qarjy bólýge kómektesýge nıet bildirgen bıznes ókilderimen kezdesý ótkizdi.