BQO-da sottalǵandar zeınetkerlerge kómektesip jatyr
21:45, 04 Qańtar 2021
ORAL. QazAqparat – Batys Qazaqstan oblysynda qylmysy jasaǵany úshin baqylaýǵa alynǵan azamattar zeınetkerlerge kómektesýde, dep habarlaıdy QazAqparat Qylmystyq atqarý júıesiniń BQO boıynsha departamentiniń baspasóz qyzmetine silteme jasap.
«Qys túsip, qar qalyń jaýatyn kezde ásirese qart adamdar kóp qıyndyqqa tap bolady. Óıtkeni olarǵa esik aldyndaǵy qardy kúreýdiń ózi qıyndyq týdyrady. Osyǵan qaraı probatsııa qyzmetiniń ókilderi zeınetkerlerge kómektesý qajet dep sheshken. Atap aıtqanda Batys Qazaqstan oblysyna qarasty «Báıterek» aýdanynyń №1 probatsııa qyzmetiniń ókilderi sottalǵan azamattarǵa jalǵyzbasty zeınetkerlerge qys mezgilinde kómektesý jóninde usynys jasaǵan.
«Sottalǵandar bizdiń usynysymyzdy erekshe qulshynyspen qabyldap, probatsııa qyzmetiniń ókilderimen birge qart adamdardyń aýlalaryndaǵy qardy kúreý jumysyna atsalysty»,-dedi BQO «Báıterek» aýdanynyń №1 aýdandyq probatsııa qyzmetiniń bastyǵy Azamat Baıbolatov.