BQO-da sot talaptaryn oryndamaǵan departamentke shara qoldanyldy

<p>ORAL. KAZINFORM &ndash; Sot talaptaryn oryndamaǵan QR Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti BQO boıynsha departamentine aqshalaı óndirip alý salyndy.</p>

BQO sotynyń baspasóz qyzmetinen málim etkenindeı, QR ákimshilik rásimdik-protsestik kodesiniń 127-babyna sáıkes sottyń talabyn, suraý salýyn oryndamaǵany, sondaı-aq sotqa jáne sýdıaǵa qurmettemeýshilikti aıqyn kórsetetin ózge de áreketter úshin 20 AEK-ke deıingi mólsherde aqshalaı óndirip alý salynady.

Іs materıaldaryna saı, talapker BQO mamandandyrylǵan aýdanaralyq ákimshilik sotyna eńbek daýymen júgindi.

Іsti qaraý barysynda sot QR Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıtetiniń BQO boıynsha departamentin belgilengen merzimde ákimshilik talap qoıýǵa qarsy dáleldi pikir jáne ákimshilik is boıynsha materıaldaryn berýge mindettedi. Alaıda jaýapker belgilengen merzimde ákimshilik istiń materıaldaryn sotqa usynbady. Jaýapkerdiń ókili aldyn ala tyńdaýǵa kelmedi jáne kelmeý sebepteri týraly habarlamady. Bul is boıynsha tyńdaýdy qaıta taǵaıyndaýǵa negiz boldy.

- Osylaısha, jaýapkerdiń talaptardy oryndamaýy zańǵa jáne sotqa qurmetsizdik retinde tanylady jáne aqshalaı óndirip alýdy salý úshin negiz bolyp tabylady. BQO mamandandyrylǵan aýdanaralyq ákimshilik sotynyń uıǵarymymen atalmysh departament basshysynyń mindetin atqarýshyǵa 20 AEK mólsherinde (73 840 teńge) aqshalaı óndirip alý salyndy. Uıǵarym zańdy kúshine engen joq, - dep habarlady vedomstvodan.

Eske sala keteıik, budan buryn Oralda kóligine zaqym kelgen turǵyn 9,2 mln astam teńge óndirip alǵanyn jazǵan bolatynbyz.