BQO-da sońǵy tórt táýlikte 250-den astam adamnan koronavırýs tabyldy
Oblystyq sanıtarlyq-epıdemıologııalyq baqylaý departamenti baspasóz qyzmetiniń habarlaýynsha, sonyń 175-inde aýrý belgileri bar, 78-inde sımptomy joq bolyp shyqty.
Aýyrǵandardyń 143-i JRVI belgilerimen tekserilgen. 73-i buryn indet juqtyrǵandarmen qarym-qatynasta bolǵan. 36-sy profılaktıkalyq maqsatta qaralǵan.
Syrqattanǵandardyń teń jartysyna jýyǵy, ıaǵnı 114-i Oral qalasynda anyqtaldy. Sondaı-aq sońǵy tórt kúnde Báıterek aýdanynda 52, Bórlide 32 adamnan koronavırýs anyqtaldy.
Pandemııa bastalǵannan beri oblysta barlyǵy 37 668 naýqas tirkelse, sonyń 30 024-i jazylyp shyqty. 774 adam kóz jumdy.
Іndet juqtyrǵandardyń 18 907-si Oral qalasy, 5016-sy Báıterek, 4587-si Bórli aýdanynyń úlesine tıedi.
Eske sala keteıik, budan buryn Batys Qazaqstanda 300-den astam naýqastyń ınfektsııalyq statsıonarlarda em alyp jatqanyn jazǵan bolatynbyz.