BQO-da sońǵy tórt kúnde 500-ge jýyq adam koronavırýs juqtyrǵan

ORAL. QazAqparat - Batys Qazaqstan oblysynda sońǵy tórt kúnde 490 adam koronavırýs juqtyrǵan, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, sonyń ishinde 364-inde aýrý belgileri bolsa, 126-sy - sımptomy joqtar.

Naýqastardyń 304-i JRVI belgileri boıynsha tekserilgen, 80-i buryn aýyrǵandarmen qarym-qatynasta bolǵan, 102-si profılaktıkalyq maqsatta qaralǵan. Tórteýinen epıdemıologııalyq baqylaý maqsatymen synama alynǵan.

Syrqattanǵandardyń 198-i Oral qalasynda, 79-y Báıterek, 78-i Bórli aýdanynda tirkelgen.

Іndet bastalǵannan beri oblysta barlyǵy 32683 adamnan koronavırýs tabylsa, sonyń 24952-si jazylyp shyqty. 600 adam kóz jumdy.

Eske sala keteıik, budan buryn BQO-da «Ashyq» jobasyna qatysatyn nysandardyń demalys kúnderi de jumys isteıtinin jazǵan bolatynbyz.