BQO-da shekarada sanıtarlyq qadaǵalaý sharalary kúsheıtildi
BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngide málim etkenindeı, qazirgi kezde memlekettik shekarada sanıtarlyq epıdemıolog mamandar kúsheıtilgen rejımde jumys istep jatyr.
Onyń aıtýynsha, 1 qazannan beri memlekettik shekaradan 455 jolaýshy anyqtamasyz ótken. PTR ádisimen alynǵan test bul adamdarda koronavırýs joqtyǵyn kórsetti. Al halyqaralyq júk tasymalymen aınalysatyn, anyqtamasy bolmaǵan 1089 júrgizýshiniń bireýinen koronavırýs tabyldy.
Epıdemıologııalyq jaǵdaıdy baǵalaý matrıtsasy boıynsha sary aımaqta turǵan oblysta qazan aıynda 758 adamnyń indet juqtyrǵany anyqtaldy. Sonyń ishinde 436-sy (58 paıyz) JRVI belgilerimen tekserilse, 206-sy (27 paıyz) buryn aýyrǵandarmen baılanysta bolǵan. 108-i (14 paıyzy) profılaktıkalyq maqsatta, 8-i (1 paıyz) epıdemıologııalyq qadaǵalaý kezinde qaralǵan.
Bulardyń basym kópshiligi – vaktsına almaǵandar.
Jas erekshelikteri boıynsha koronavırýs juqtyrýshylar 41-60 jas aralyǵynda (208) kóp bolyp otyr.
Sońǵy aptada (8-14 qazan) aldyńǵymen (1-7 qazan) salystyrǵanda, aýrý juqtyrý kórsetkishi 6,1 paıyzǵa (391-den 367-ge) tómendedi.
«1 qazannan beri 135 oqýshy jáne 31 pedagogtan koronavırýs tabyldy. Sondaı-aq kolledjderde 8, JOO-da 8 stýdent tirkeldi. Kúni búgin 8 mektepte 11 synyptyń oqýshylary men muǵalimderin úı karantınine kóshirý týraly 10 qaýly shyǵaryldy», dedi M.Aryspaev.
Eske sala keteıik, budan buryn BQO-da on mektepte 12 synyptyń karantınge jabylǵanyn, úıinde oqshaýlaný talabyn buzǵandar 6 mln teńge aıyppul tólegenin jazǵan bolatynbyz.