BQO-da sibir jarasy shyqqan aýylda karantındik is-sharalar júrgizildi

<p>ORAL. KAZINFORM &mdash; Kaztalov aýdany Qoshankól aýyldyq okrýgi Ordabaı aýylynyń turǵyny S.Qaıneshovtiń 1 bas iri qara malynan alynǵan synamalardy zerthanalyq tekserý qorytyndysymen sibir jarasy anyqtaldy.</p>

BQO veterınarııa basqarmasynan málim etkenindeı, aýrý 5 qarasha kúni tirkelgen.

Soǵan baılanysty Qoshankól aýyldyq okrýgi ákiminiń 8 qarashadaǵy № 23 sheshimimen aýrý oshaǵyna karantın qoıyldy. Aýrý oshaǵyn joıý maqsatynda veterınarııalyq-sanıtarııalyq is-sharalar kesheni júrgizildi. 22 qarasha kúni qorytyndy dezınfektsııa ótkizildi. 26 qarasha kúni karantındik is-sharalar toqtatyldy.

Veterınarııa basqarmasynyń málimeti boıynsha kúni búgin oblys aýmaǵynda epızootııalyq jaǵdaı qalypty, tolyq baqylaýda. Sibir jarasy aýrýy boıynsha qaýip joq.

Basqarma Atyraý qalasynda anyqtalǵan sibir jarasy aýrýynyń BQO-dan tasymaldanǵan iri qara malyna qatystylyǵy týraly mynadaı aqparatty jetkizdi.

«Bıylǵy 21 qazan kúni Jańaqala aýdanynyń «Ǵabdýllın E.» sharýa qojalyǵynyń 10 bas iri qara maly Atyraý qalasyna shyǵarylǵan. Bul maldar sibir jarasy aýrýyna qarsy vaktsınatsııalanǵan. Maldy tıeý, tasymaldaý jáne 22-23 qazanda Atyraý qalasynda satyp, ótkizý kezinde eshqandaı aýrý belgileri bolmaǵan. Aýyl sharýashylyǵy janýarlarynyń sibir jarasy aýrýynyń ınkýbatsııalyq kezeńi birneshe saǵattan bastap 14 kúnge jetedi. Osy negizde Atyraý qalasyndaǵy sibir jarasyna shaldyqqan iri qara malynyń ólimi 12 qarashada oryn alǵandyǵyn eskere otyryp, Batys Qazaqstan oblysynyń aýmaǵynda maldyń sibir jarasy qozdyrǵyshyn juqtyrýy múmkin emestigin habarlaımyz», delingen resmı málimette.

Eske sala keteıik, budan buryn BQO-da aýyl turǵynynan sibir jarasy anyqtalǵanyn jazǵan bolatynbyz.