BQO-da saıajaı ıelerine ónimderin kóterme baǵamen ótkizý usynyldy
«AQJAIYQ» áleýmettik kásipkerlik korporatsııasy» aktsıonerlik qoǵamy Batys Qazaqstan oblysy boıynsha saýda jáne tutynýshylardyń quqyqtaryn qorǵaý departamentimen birlesip, óńirdegi saıajaı ıelerine óz taýarlaryn kóterme baǵamen ótkizý múmkindigin usynady.
«Bul joba óńir basshysynyń tapsyrmasyna sáıkes oblysymyzdyń barlyq saıajaı ıeleriniń ónimderin ótkizý protsesin ońtaılandyrý ári halyqqa sapaly ónimdi tıimdi baǵada usyný maqsatynda engizildi. Qyrkúıek aıynan bastap kókónis ósiretin kez kelgen turǵyn óz ónimin eshqandaı alym-salyqsyz, naryqtyq baǵa boıynsha bizge tapsyra alady. Keıin ol ónim bizdiń áleýmettik dúńgirshekterimiz arqyly halyqqa qolaıly baǵada satylady. Kókónisterden tek áleýmettik mańyzy bar taýarlar tizimindegi kartop, pııaz, sábiz jáne qyryqqabat qabyldanady», - deıdi «AQJAIYQ» áleýmettik kásipkerlik korporatsııasynyń basqarma tóraǵasy Baqdáýlet Ibraımov.
Qazirgi ýaqytta Oral qalasynyń «El yrysy», «Mırlan» jáne «Altyn alma» syndy iri saýda bazarlarynda arnaıy saıajaı ıeleriniń ónimderin satýǵa arnalǵan tegin saýda oryndary qarastyrylǵan.