BQO-da salqyn sýdan aýrý juqtyrý múmkindigi jóninde jalǵan aqparat tarady
«Batys sý arnasy» JShS-nyń baspasóz qyzmetinen málim etkenindeı, Oral qalasynda sý tazartý qurylymdary kesheni qalypty jaǵdaıda jumys istep tur.
«Sý sapasyn zerhanalyq zertteý jumystary turaqty júrgizilýde. Salqyn sýdy tazalaý jáne zararsyzdandyrý úshin qajetti hımııalyq reagentterdiń úsh aılyq qory jasaqtalǵan. Sonymen qatar bizdiń zerthananyń jumysyna sanıtarııalyq-epıdemıologııalyq stansa baqylaý jasaıdy. Salqyn sýdy berý nasharlaǵan nemese toqtatylǵan jaǵdaıda qosymsha habarlanady. Oral qalasy turǵyndarynan jalǵan aqparatty taratpaı, dúrbeleńge salynbaı, tek resmı habarlamalarǵa zer salýyn suraımyz. Kúrdeli sý tasqyny jaǵdaıyn eskere otyryp, sharýashylyq-turmystyq qajettilik úshin qajetti sý qoryn jasap alý usynylady», - dep habarlady vedomstvodan.
Eske sala keteıik, budan buryn Oral qalasynda 1957 jylǵy jaǵdaıdyń qaıtalanýy múmkin ekendigin jazǵan bolatynbyz.
Sondaı-aq BQO ákimi Reseıdegi sý qoımalarynan kóp sý jiberilip jatqany jóninde turǵyndarǵa úndeý joldady.