BQO-da salynyp jatqan úıdiń qabyrǵasy qulady: aýdan ákimi men basqarma basshysyna eskertý jarııalandy

<p>ORAL. KAZINFORM &ndash; Batys Qazaqstan oblysy Qaratóbe aýdany Aqqozy aýyldyq okrýgine qarasty Qorjyn aýylynda 6 maýsym kúni jyldamdyǵy sekýndyna 20 metrge deıin jetken qatty jeldiń saldarynan qurylys jumystaryna nuqsan keltirildi.</p>

BQO ákimdiginen málim etkenindeı, qazirgi ýaqytta qalpyna keltirý jumystary júrgizilýde.

«Sý tasqynynan zardap shekken Qaratóbe aýdany Qorjyn aýylynda 90 otbasyǵa arnalǵan jeke turǵyn úılerdiń qurylysy júrip jatyr. Memlekettik sáýlet-qurylys baqylaýy basqarmasynyń qyzmetkerleri qurylys sapasyn baqylaý úshin turǵyn úılerdi kúndelikti baqylaýdy qamtamasyz etedi. Budan bólek qurylys jumystaryn arnaıy ornatylǵan beınekameralar arqyly oblys ákimdigi de qadaǵalap otyr. Qaratóbe aýdanynyń ákimine jáne Batys Qazaqstan oblysynyń memlekettik sáýlet-qurylys baqylaýy basqarmasynyń basshysyna atalǵan olqylyq boıynsha eskertý jarııalandy», dep habarlady vedomstvodan.

Eske sala keteıik, budan buryn BQO-da salynyp jatqan úıdiń qabyrǵasy qulap qalýyna baılanysty ákimdik jaýap bergenin jazǵan bolatynbyz.