BQO-da probatsııalyq baqylaýda turǵan 13 adamǵa raqymshylyq jasaldy

ORAL. QazAqparat - Batys Qazaqstan oblysynda probatsııalyq baqylaýda turǵan 13 adamǵa raqymshylyq qoldaný týraly ótinish aýdandyq sottarda qaralyp, qanaǵattandyryldy, dep habarlaıdy «QazAqparat» HAA tilshisi.

Oral qalalyq probatsııa qyzmetiniń aǵa ınspektory, ádilet kapıtany Almagúl Dúısálıevanyń aıtýynsha, bas bostandyǵyn shekteýge kesilgenderden 8 adamnyń altaýy (Qaztalov aýdanynda - 1, Jánibekte - 1, Jańaqalada - 4) jazadan bosatylsa, Zelenovtan eki sottalýshyǵa jazasy tórtten bir bóligine qysqartyldy. Úsh adamǵa (Qaztalov, Jánibek, Jańaqalada bir-birden) QR QK 63-baby qoldanylyp, olar bas bostandyǵynan aıyrý jazasynan bosatyldy. Zelenov aýdanynda qylmystyq is-áreketke barǵan taǵy eki adam jazadan qutyldy.

Aıta keteıik, «Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» Zańǵa sáıkes BQO boıynsha probatsııa qyzmetiniń esebinde turǵan barlyǵy 610 adamǵa raqymshylyq jasalmaqshy.