BQO-da polıtsııa qyzmetkeri para aldy degen kúdikke ilindi

ORAL. QazAqparat - Batys Qazaqstan oblysynda polıtsııa qyzmetkeri para aldy degen kúdikke ilindi, dep habarlaıdy QazAqparat tilshisi.

BQO boıynsha sybaılas jemqorlyqqa qarsy is-qımyl departamentinen málim etkenindeı, qazirgi tańda Oral qalasy polıtsııa basqarmasy patrýldik polıtsııa batalonynyń vzvod komandırine qatysty qylmystyq is tergelýde.

«Polıtsııa qyzmetkeri Reseıden kelgen astyq tıelgen júk kólikteriniń Oral qalasy aýmaǵynda artyq salmaqpen kedergisiz júrip-turǵany jáne jalpy qamqorlyq kórsetkeni úshin T. degen azamattan 110 myń teńge kóleminde para aldy delinip otyr. Kúdikti QR Qylmystyq is júrgizý kodeksiniń 128-babyna sáıkes ustalyp, ýaqytsha ustaý ızolıatoryna qamaldy. Ózge aqparat tergeý múddesi úshin QR Qylmystyq is júrgizý kodeksiniń 201-babyna sáıkes taratýǵa jatpaıdy», dep habarlady vedomstvodan.