BQO-da paıdalanylmaı jatqan 174 myń gektar jer memleket menshigine qaıtaryldy
BQO jer qatynastary basqarmasynyń basshysy Murat Ómirálıevtiń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 80 myń gektary aýyl sharýashylyǵy aınalymyna qaıtadan engizildi.
Sonymen qatar 622 myń gektardy quraıtyn jer telimderin ıeleri maqsatyna saı ıgerýge kiristi.
Basqarma basshysynyń sózine qaraǵanda, qazirgi tańda oblys boıynsha aýyl sharýashylyǵy maqsatyndaǵy 376 myń gektar jer paıdalanylmaı otyr.
«Osy jerlerge qatysty tekserý jumystaryn júrgizý uıymdastyrylýda. QR Prezıdentiniń tapsyrmasyna sáıkes 2022 jyldyń 1 qańtarynan bastap paıdalanylmaı jatqan
jerlerge salyqtyń bazalyq mólsherlemesin 20 esege deıin arttyrý qarastyrylǵan. Bul ıeleriniń paıdalanylmaıtyn aýyl sharýashylyǵy jerlerinen óz erkimen bas tartýǵa
ekonomıkalyq turǵyda áser etý úshin jasalýda», dedi M.Ómirálıev.
Jalpy, Memleket basshysynyń tapsyrmasyna sáıkes 2012- 2014 jyldary respýblıkalyq bıýdjet esebinen aýyl sharýashylyǵy alqaptaryn túgendeý jumystary júrgizilgen
bolatyn. Túgendeý jumystarynyń nátıjesinde bastapqyda paıdalanylmaı jatqan 297 myń ga jer anyqtaldy. Atalǵan jumystar jalǵasyn taýyp, sońǵy úsh jyl kóleminde (2019-
2021 jyldary) 1 mln 172 myń ga jerdiń paıdalanylmaǵany belgili boldy, sonyń ishinde 2021 jyly –251 myń ga.
Eske sala keteıik, budan buryn Táýelsizdiktiń 30 jyldyǵyna oraı Oral qalasynda dzıýdodan Qazaqstan chempıonaty ótetinin jazǵan bolatynbyz.