BQO-da paıdalanylmaǵan 149 myń gektar jer memleket menshigine qaıtaryldy

NUR-SULTAN. QazAqparat – Batys Qazaqstan oblysynda aýyl sharýashylyǵy maqsatynda paıdalanylmaı jatqan 1,2 mln gektar jer anyqtaldy. Bul týraly óńir ákimi Ǵalı Esqalıev aıtyp berdi, dep habarlaıdy QazAqparat.

«Prezıdent tapsyrmasyna sáıkes, sońǵy eki jyl ishinde aýyl sharýashylyǵy maqsatynda paıdalanylmaıtyn 1,2 mln gektar jer anyqtaldy. Onyń ishinde 574 myń gektar jerdiń paıdalanýshylary óz jer telimin ıgerýge kiristi, 149 myń ga memleket menshigine qaıtaryldy. Qalǵan jer paıdalanýshylar boıynsha zańnamada belgilengen tártippen jumys júrip jatyr», - dedi Ǵ. Esqalıev Ortalyq kommýnıkatsııalar qyzmetinde ótken baspasóz máslıhatynda.

Ákimniń aıtýynsha, bul jumystar arnaıy jasaqtalǵan geoaqparattyq portal arqyly júrgizilgen.

«Qazirgi ýaqytta geoportal ortalyq memlekettik organdardyń bazalarymen ıntegratsııadan ótip jatyr. Atalǵan jumystar aıaqtalǵan soń aýyl sharýashylyǵy jerlerin berý protsesi avtomatty túrde júrgiziledi», - dedi BQO ákimi.