BQO-da para alǵan polıtseıdiń úkimi ózgerip, ol sot zalynda qamaýǵa alyndy

<p>Batys Qazaqstan oblysynda para alǵan burynǵy polıtsııa qyzmetkeri Saıahat Tastileýovke shyqqan úkim ózgertildi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Budan buryn jazǵanymyzdaı, Oral qalalyq sotynda Nurlan Berdiǵalıev, Rınat Týksýmbaev, Saıahat Tastileýov, Asylanbek Ǵalıev, Aleksandr Kalınıchev, Bolat Nyǵmetov, Dıas Seıtqalıev, Noıan Halelovqa úkim shyqqan bolatyn.

Sonyń ishinde para berdi dep aıyptalǵan R.Týksýmbaev 7 jylǵa bas bostandyǵynan aıyrylsa, qalǵan para alýshy polıtsııa jáne kóliktik baqylaý ınspektsııasynyń qyzmetkerlerine túrli kólemde aıyppul salynǵan edi.

Munymen kelispegen R.Týksýmbaev pen onyń advokattary oblystyq sotqa apellıatsııalyq shaǵym túsirdi.

Sondaı-aq prokýratýra tarapynan da barlyq para alýshylardyń úkiminiń kúshin joıyp, olardyń jazasyn bas bostandyǵynan aıyrýǵa aýystyrý jóninde ótinish jasaldy.

7 jeltoqsan kúni BQO sotynyń qylmystyq ister jónindegi apellıatsııalyq sot alqasy atalmysh is boıynsha sheshim qabyldady.

Oral qalalyq sotynyń 9 qazandaǵy úkiminiń Saıahat Tastileýovke qatysty jaza bóligi ózgertildi.

Oǵan QR QK 366-baby 3-bóligi 4-tarmaǵyna sáıkes jeti jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý belgilendi.

Sondaı-aq memlekettik qyzmette laýazym atqarý quqyǵynan ómir boıyna aıyrylǵan S. Tastileýov sot zalynda tutqyndaldy.

Qylmys jasaǵanǵa deıin basshylyq qyzmet atqarǵan S. Tastileýov buǵan deıin polıtsııa maıory shenimen de qosh aıtysqan edi.

Qalǵan sottalýshylarǵa shyqqan úkim ózgerissiz qaldy.