ORAL. KAZINFORM — Budan buryn habarlanǵandaı, Batys Qazaqstan oblysy Syrym aýdanynda órtten bir otbasynan bes bala kóz jumǵan bolatyn.
Qaıǵyly oqıǵa bıylǵy 4 maýsym kúni boldy. Qaza tapqan bes balanyń ata-anasy páter jaldap turǵan. Olar oqıǵa kezinde jumysta bolǵan.
BQO polıtsııa departamentiniń baspasóz qyzmeti qylmystyq is qozǵalǵanyn habarlaǵan edi.
Qazirgi kezde qylmystyq is BQO tótenshe jaǵdaılar departamentinde qaralyp jatyr.
— Іs áli óndiriste. QR Qylmystyq is júrgizý kodeksiniń 201-babyna sáıkes ózge aqparat jarııa etýge jatpaıdy, — dep habarlady BQO TJ departamentinen.
Syrym aýdany ákimdiginen alynǵan málimetke qaraǵanda, oqıǵadan keıin balalardyń ata-anasyna baspana berilgen.
Eske sala keteıik, budan buryn Batys Qazaqstanda órtten bir otbasynan bes balanyń kóz jumǵanyn jazǵan edik.
Sondaı-aq BQO-da órtten bes balanyń qaza tabýyna baılanysty qylmystyq is qozǵaldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).