BQO-da orman sharýashylyǵy mekemeleriniń bazasyn nyǵaıtý úshin 931 mln teńge bólinip otyr

<p>ORAL. KAZINFORM &ndash; Batys Qazaqstan oblysynda orman sharýashylyǵy mekemeleriniń materıaldyq-tehnıkalyq bazasyn nyǵaıtý úshin oblystyq bıýdjetten bıyl 931,2 mln teńge bólindi.</p>

BQO tabıǵı resýrstar jáne tabıǵat paıdalanýdy retteý basqarmasy basshysynyń orynbasary Darhan Zakarınniń óńirlik kommýnıkatsııalar qyzmeti alańynda ótken brıfıngte málim etkenindeı, osy qarajatqa aldaǵy ýaqytta ár túrli markaly 33 traktor, 27 mototsıkl, «KamAZ» bazasyndaǵy 2 órt sóndirý jáne 4 patrýldik mashına alý josparlanyp otyr.  

Onyń sózine qaraǵanda, orman órtin erte anyqtaý júıesi óńirde problemalyq máselelerdiń biri boldy. 

«Orman órtterin ýaqtyly anyqtap, tez oqshaýlaý úshin Aqjaıyq, Bórli, Taıpaq, Oral, Chapaev, ıAnvartsev orman jáne janýarlar dúnıesin qorǵaý jónindegi kommýnaldyq memlekettik mekeme aýmaǵyn qamtıtyn 10 beınekameradan turatyn orman órtterin erte anyqtaý júıesin ornatý (48 mln teńge) oblys bıýdjetinen qoldaý tapty. Kúni búgin memlekettik satypalym rásimderi ótkizilýde», - dedi D.Zakarın.

Basqarma basshysy orynbasarynyń aıtýynsha, ótken jyly orman sharýashylyǵy mekemeleriniń bazasyn jaraqtandyrý maqsatynda jergilikti qazynadan 1 187 mln teńge berilip, buǵan 26 traktor, 15 patrýldik mashına, 129 tehnıkalyq jabdyq satyp alyndy. 

Budan basqa oblys ákimdiginiń qoldaýymen orman órtterimen kúresý úshin qosymsha 75 mln teńge qarastyrylyp, arnaıy quraldar men tehnıka alyndy. 

Sonymen qatar 2023 jyly Qazaqstan Respýblıkasy Úkimetiniń rezervinen orman jáne tabıǵat qorǵaý mekemeleriniń orman órt sóndirý stantsııalarynyń qyzmetkerlerine órtten qorǵanýy úshin 45 mln teńge qaralyp, 220 órt sóndirý jınaǵy satyp alyndy. 

Qazirgi tańda Batys Qazaqstan oblysynda memlekettik orman qory jeriniń jalpy aýdany 222 159 gektar bolsa, sonyń 88 482 gektary ormanmen kómkerilgen. Orman mekemeleriniń qaramaǵynda 109 adamnan turatyn ortalyqtandyrylǵan 8 orman órt stantsııasy bar. 

«Oblys aýmaǵynda memlekettik orman qorynda 2018-2023 jyldar aralyǵynda jalpy aýdany 10 840,5 ga bolatyn 79 orman órti oqıǵasy tirkeldi, onyń ishinde ormanmen kómkerilgen aýmaq – 5 800,9 gektar. Bıyl 7,7 ga aýmaqta 1 orman órti boldy. Óńirde orman órtteriniń aldyn alý jáne boldyrmaý maqsatynda profılaktıkalyq is-sharalar atqarylýda. Kúni búginge deıin oblystyń memlekettik orman qory aýmaǵynda 429 reıd júrgizildi. Tabıǵat qorǵaý zańnamasyn buzǵany úshin 32 hattama jasalyp, 350,7 myń teńge kóleminde aıyppul salyndy», - dedi D.Zakarın.