BQO-da «Nurly jer» baǵdarlamasy aıasynda 11 mlrd. 763 mln. teńgeniń jumysy atqarylýda
Sala qyzmetkerlerin tól merekelerimen óńir basshysy Altaı Kólginovtiń atynan quttyqtaǵan oblys ákiminiń birinshi orynbasary Arman Óteǵulovtyń málim etkenindeı, Batys Qazaqstanda qurylys qarqyndy júrgizilip keledi. Sonyń ishinde turǵyn úıler kóptep salynyp, el ıgiligine berilýde. Bir ǵana 2016 jyly barlyq qarjy kózderi esebinen 275 myń sharshy metr turǵyn úı boı kóterdi, bul aldyńǵy jylǵydan 5,2 paıyzǵa artyq. Jańa úılerge qonystanýshylar sany bıyl da az bolmasy anyq. Sonymen qatar Elbasy tapsyrmasyna sáıkes «Nurly jol» baǵdarlamasy aıasynda áleýmettik nysandar salynýda. Sonyń ishinde óńirde jeti birdeı bilim nysany qurylysy júrip jatsa, sonyń beseýi bıyl tapsyrylmaq.
Densaýlyq saqtaý salasynda Bórli aýdanynyń Keńtúbek, Ýspenov aýyldarynda feldsherlik-ambýlatorııalyq pýnktter, sondaı-aq Terekti aýdany Podstepnyı aýylynda 300 oryndyq mádenıet úıiniń qurylysy 2017 jyly márege jetpek. Sondaı-aq on aýdanda 25 sýmen qamtý nysany salynyp bitip, bul jumys aldaǵy jyly jalǵasady.
Avtojoldardy jóndeýge de jyl saıyn qomaqty qarjy bólinýde. Ótken jyly 145 shaqyrym jergilikti jol jóndelse, bıyl taǵy 126 shaqyrymy rettelmek. 2016 jyly 96 shaqyrym respýblıkalyq jol jóndelse, bıyl 209 shaqyrymy qalpyna keltirilmek. Mundaı keń kólemdi jumystarǵa qurylysshylardyń qosyp otyrǵan úlesi mol.
Jıyn barysynda qurylys salasynyń úzdikteri marapattaldy. Atap aıtqanda, «KazConstructionGroup» JShS bas dırektorynyń orynbasary Orynǵalı Jumaǵalıev, «ıÝnıserv» kompanııasy qurylys basqarmasynyń bastyǵy Pavel Loskýtov, «PMK-117» JShS-nyń ýchaske bastyǵy Aleksandr Novıkov, jeke kásipker Taras Sársenov, «Domostroıtel» óndiristik kombınatynyń jumys óndirýshisi Nıkolaı Sınelnıkovke «Qazaqstannyń qurmetti qurylysshysy», oblystyq jolaýshylar kóligi jáne avtomobıl joldary basqarmasynyń bas mamany Sergeı Batınge «Qazaqstannyń qurmetti jolshysy» tósbelgisi men kýáligi tapsyrylsa, jıyrma qurylysshyǵa oblys ákiminiń alǵyshaty tabys etildi.