BQO-da nesıe alýshylardyń sany ósken

ORAL. QazAqparat - Batys Qazaqstan oblysynda bıylǵy toǵyz aıda ekinshi deńgeıli bankter fılıaldary arqyly 157,8 mlrd teńge nesıe berildi. Bul ótken jylǵydan 56 paıyzǵa kóp, dep habarlaıdy «QazAqparat» tilshisi.

QR Ulttyq banki Batys Qazaqstan fılıalynyń dırektory Qozybaq Qulbaraqovtyń málim etkenindeı, sonyń ishinde ulttyq valıýtamen berilgen nesıe kólemi 58,7 paıyzǵa (156,5 mlrd teńge) ósse, shetel valıýtasymen berilgen qarajat 61,3 paıyzǵa (0,9 mlrd teńgege deıin) azaıdy. Jeke tulǵalarǵa 72,9 mlrd teńge (ósim - 64,7 paıyz), zańdy tulǵalarǵa 84,9 mlrd teńge (ósim - 49,2 paıyz) berildi.

Shaǵyn kásipkerlik nysandary 23 mlrd teńge nesıege qol jetkizdi, bul 62,1 paıyzǵa kóp. 10,3 mlrd teńge azamattarǵa turǵyn úı salý men satyp alý úshin berildi. Halyqqa tutyný maqsatynda berilgen nesıe kólemi 54,1 mlrd teńgege jetti.

Bıylǵy 1 qazanǵa nesıeler boıynsha bereshektiń jalpy mólsheri 211 mlrd teńgeni qurap, ótken jylǵydan 10,5 paıyzǵa kóbeıdi. Sonyń ishinde 119 mlrd teńge jeke, 92 mlrd teńge zańdy tulǵalardyń úlesine tıedi.

Shaǵyn kásipkerlik nysandarynyń bereshegi 52,8 mlrd teńgege jetip, bul da 16,2 paıyzǵa ósip otyr. Azamattarǵa turǵyn úı salýǵa jáne satyp alýǵa berilgen nesıe boıynsha bereshek 34,2 mlrd (ósim - 19,3 paıyz), tutyný maqsatyndaǵy nesıeler boıynsha berejaq 70,5 mlrd teńgeni (ósim - 20,7 paıyz) quraǵan.

Degenmen merzimi ótken bereshek (10.4 mlrd teńge) ótken jylǵydan 7,4 paıyzǵa kemidi.

Aıta keteıik, fılıal altyn jáne kúmisten jasalǵan ınvestıtsııalyq jáne kollektsııalyq monetalardy satýdy júzege asyrady. Jyl basynan beri qundy metaldardan jasalǵan 371 moneta satyldy. 2017 jyly Ulttyq bank «Qazaqstannyń florasy men faýnasy» monetalar serııasynan «Greıg qyzǵaldaǵy», «Shyǵys kúntizbesi» serııasynan «It jyly», «Qazaqstan halqynyń ertegileri» serııasynan «Nemis ertegisi» (Bremen mýzykanttary), «Respýblıka ıgiligi» serııasynan «Altyn dán dalasy», «Qazaqstannyń beıneleý óneri» serııasynan «Y.Altynsarın», sondaı-aq «Igilik monetasy» («Tasbaqa») monetalaryn shyǵardy.