BQO-da naýryzda koronavırýs juqtyrǵandar sany 1 myńnan asty
BQO Sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń Óńirlik kommýnıkatsııalar qyzmeti alańynda málim etkenindeı, sonyń ishinde qańtar aıynda - 1837, aqpanda - 1950, naýryzda 1070 adamnyń aýyrǵany tirkeldi.
Onyń sózine qaraǵanda, 1 naýryzdan beri indet juqtyrǵandarmen baılanysta bolǵan 2506 adam medıtsınalyq baqylaýǵa alyndy.
Sońǵy aptada (12-18 naýryz) aldyńǵy aptamen salystyrǵanda, aýrý juqtyrý kórsetkishiniń 1,4 paıyzǵa (405-ten 411-ge) óskeni baıqalady.
Aýyrǵandardyń 397-si (37,1 paıyzy) – jumys jasaıtyndar, 261-i (24,3 paıyz) – zeınetkerler, 180-i (16,8 paıyzy) – jumyssyzdar, 101-i (9,6 paıyzy) – oqýshylar, 39-y (3,6 paıyzy) – medıtsına qyzmetkerleri, 34-i (3,1 paıyzy) – muǵalimder.
Syrqattanǵandardyń 362-si nemese 33,8 paıyzy buryn aýyrǵandarmen qarym-qatynasta bolǵan. 297-si (27,7 paıyzy) saýda úıleri, bazarlar men medıtsına uıymdarynda, 283-i (26,4 paıyzy) qoǵamdyq kólikterde, 85-i (7,9 paıyzy) sadaqa-toılarda juqtyrǵan.
Keshe oblysta 81 adamnyń koronavırýs juqtyrǵany tirkeldi.
«Alda Naýryz merekesi kele jatyr. Sondyqtan meıram kúnderi oblys turǵyndaryn sanıtarlyq talaptardy saqtaýǵa shaqyramyz. Oblys «qyzyl» aımaqqa kirgendikten, jańa qaýlyǵa sáıkes 20 naýryzdan bastap karantındik shekteý sharalary kúsheıtilip otyr. Eger jaǵdaı ózgermeıtin bolsa, talap budan da qatańdatylady», dedi M.Aryspaev.
Eske sala keteıik, budan buryn Batys Qazaqstanda karantındik sharalar kúsheıtilgenin jazǵan bolatynbyz.