BQO-da moped mingen jasóspirim mototsıklmen soqtyǵysyp, aýrýhanada kóz jumdy

<p>ORAL. KAZINFORM &ndash; Batys Qazaqstan oblysy Báıterek aýdanynda moped pen mototsıkl soqtyǵysyp, jasóspirim kóz jumdy, taǵy úsheýi jaraqat aldy.</p>

BQO polıtsııa departamentiniń baspasóz qyzmetinen málim etkenindeı, oqıǵa 20 maýsym kúni saǵat 03.30-da aýdan ortalyǵy Peremetnyı aýylynda boldy.

Alpha Samurai mopediniń júrgizýshisi rýlge ıe bola almaı, qarsy betke shyǵyp ketip, mototsıklmen betpe-bet túıisken. Tıisti saraptamalar taǵaıyndalyp, tergeý amaldary júrgizilip jatyr.  

BQO densaýlyq saqtaý basqarmasy baspasóz qyzmetiniń naqtylaýynsha, «Moskvıchı» janar-jaǵar maı quıý stansasy mańynan shaqyrtý túsken. 

«2006, 2007 jáne 2008 jylǵy eki jasóspirim túrli jaraqatpen aýdandyq aýrýhanaǵa jetkizilgen. Medıtsına qyzmetkerleriniń qatysýymen olar oblystyq kópbeıindi balalar aýrýhanasyna jatqyzyldy. Aýyr jaǵdaıda túsken 2006 jylǵy jasóspirim 22 maýsym kúni qaıtys boldy. 2007 jáne 2008 jylǵy jasóspirimderge ambýlatorııalyq em taǵaıyndaldy. 2008 jylǵy jasóspirimge ota jasaldy, jaǵdaıy ortasha aýyr, travmatologııa bólimshesinde emdelýde», - dep habarlady vedomstvodan.

Eske sala keteıik, budan buryn Batys Qazaqstanda Toyota Prado júk kóligimen soqtyǵysyp, úsh adamnyń qaza tapqanyn jazǵan bolatynbyz.