BQO-da myńǵa jýyq adam sý tasqynyna qarsy jumystarǵa jumyldyryldy

<p>ORAL. KAZINFORM &mdash; Batys Qazaqstan oblysynda sý tasqynyna qarsy jumystarǵa tótenshe jaǵdaılar departamenti, jergilikti atqarýshy organdar, Qorǵanys mınıstrligi, Ulttyq ulan jáne Іshki ister mınıstrliginen 998 adam (300 tehnıka, 124 motopompa) jumyldyryldy.</p>

BQO TJD baspasóz qyzmetinen málim etkenindeı, búgin túnde óńirge Mańǵystaý oblysy tótenshe jaǵdaılar departamentiniń jeke quramynan 46 adam 5 tehnıka, 8 motopompa jáne 2 qaıyqpen kómekke keldi. Olar Oral qalasy jáne Bórli aýdanyndaǵy sý tasqyny zardaptaryn joıýǵa tartyldy.

Oblys boıynsha 25 naýryzdan beri 453 myń tekshe metr qar sýy sorylyp, ınertti materıaldarmen 42 950 qap tóseldi.

«Qazirgi kezge deıin barlyǵy 455 turǵyn úı sý astynda qaldy. Bórli aýdanynyń Aqsý aýylynda 161 adam evakýatsııalandy. Sondaı-aq keshe QR Qorǵanys mınıstrliginiń eki tikushaǵymen Qaratóbe aýdanynyń 271 turǵyny qaýipsiz jerge kóshirildi. Osy ýaqytta Qaratóbe aýdanynda evakýatsııalyq jumystar jalǵasýda. Terekti aýdanynda ınjenerlik jumystar júrgizilýde, al Syrym aýdanynda erigen qar sýy sorylýda. Oral qalasynda, Qaratóbe, Syrym, Bórli jáne Terekti aýdandarynda jergilikti aýqymda tabıǵı sıpattaǵy tótenshe jaǵdaı jarııalanýyna baılanysty qajetti is-sharalar alynýda», - dep habarlady vedomstvodan.

Eske sala keteıik, budan buryn BQO-da Shyńǵyrlaý ózeni arnasynan asyp, bir aýylǵa sý kirgenin jazǵan bolatynbyz.