ORAL. KAZINFORM – Batys Qazaqstan oblysynda Qaratóbe aýdany prokýratýrasy tekserý qorytyndysy boıynsha jol jóndeýge topyraqtyń zańsyz alynǵanyn anyqtady.
BQO prokýratýrasynyń baspasóz qyzmetinen málim etkenindeı, Qaldyǵaıty jáne Qaraqamys aýyldarynyń ishki joldaryn kúrdeli jóndeý barysynda merdiger eldi meken mańynan 8 200 tonna topyraqty ýákiletti organnyń ruqsatynsyz zańsyz qazyp alǵan.
«Keltirilgen shyǵyn kólemi 2 mln 900 myń teńgeden asty. Prokýratýranyń qadaǵalaý aktileri boıynsha josyqsyz merdiger ákimshilik jaýapkershilikke tartyldy, keltirilgen zalal tolyq kólemde óndirildi», - dep habarlady vedomstvodan.
Eske sala keteıik, budan buryn Batys Qazaqstanda 1,3 mlrd teńgege memlekettik satyp alýdyń kúshi joıylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).