BQO-da memqyzmetshiler jańajyldyq korporatıvtiń ornyna qaıyrymdylyq jasady
Oblys ákiminiń bastamasymen qolǵa alynǵan «Qaıyrymdylyq jasasań, qaıyrymyn óziń kóresiń» atty qaıyrymdylyq is-sharasy aıasynda 14 mln astam teńge jınaldy.
Osy qarajatqa azyq-túlik sebetteri satyp alynyp, kópbalaly jáne az qamtylǵan otbasylarǵa taratylatyn bolady.
Búgin «El yrysy» bazary aýmaǵynda bastapqy 200 sebet taratyldy.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Altaı Qulqaevtyń aıtýynsha, eldegi epıdemıologııalyq jaǵdaıǵa baılanysty jańajyldyq keshterdi ótkizý toqtatylǵan bolatyn. Oblys ákimdiginiń qoldaýymen qaıyrymdylyq is-sharasyna departamentter men basqarmalar qyzmetkerleri belsendi atsalysty. Jyl sońyna deıin jalǵasatyn is-shara aıasynda shamamen myńǵa jýyq otbasyny qamtý kózdelýde.
BQO polıtsııa departamentiniń resmı ókili Bolatbek Belgibekov mundaı is-sharalardan tártip saqshylary da qalys qalmaı, júıeli ún qosyp kele jatqanyn, bul joly 8 otbasyǵa kómek kórsetilgenin jetkizdi.
Oblystyq kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary Maqsat Qulanbaevtyń sózine qaraǵanda, bul, bir jaǵynan, az qamtylǵan, kópbalaly otbasylardy qoldaý. Ekinshi jaǵynan, azyq-túlik sebetine salynatyn ónimder jergilikti kásiporyndardan satyp alynady. ıAǵnı, otandyq ónim óndirýshilerge de qoldaý jasalyp otyr.
Eske sala keteıik, budan buryn Batys Qazaqstanda jeltoqsan aıynda 700-den astam adamnyń koronavırýs juqtyrǵanyn, Oralda karantın tártibi 49 márte buzylǵanyn jazǵan bolatynbyz.