BQO-da mektepti ýaqytynda jóndemegen merdigerden 10 mln teńgeden astam qarajat óndirildi

<p>ORAL. KAZINFORM &ndash;&nbsp; Batys Qazaqstan oblysy Aqjaıyq aýdanynyń prokýratýrasy mektepti jóndeý merziminiń buzylǵanyn anyqtady.</p>

Oblystyq prokýratýranyń málimetinshe, merdiger tarapynan mindettemelerdi oryndamaýyna baılanysty prokýratýranyń usynýy boıynsha bilim berý bólimi sotqa óndirip alý týraly talap-aryzben júgindi.

Sot talap-aryzdy qanaǵattandyryp, merdigerden memleket paıdasyna 8 mln teńgeden astam jáne 1 mln 700 myń teńge somasynda turaqsyzdyq aıyby óndirildi. Osy jáne basqa da buzýshylyqtar bilim berý uıymdaryndaǵy tekserý nátıjeleri boıynsha joıyldy.

Budan bólek prokýratýranyń qadaǵalaý aktisi boıynsha 2 myńnan astam maman mindetti medıtsınalyq tekserýden ótti.

Sondaı-aq qaýipsizdik máselelerimen baılanysty birqatar másele sheshildi: balabaqshalardaǵy beınebaqylaý kameralary men oıyn alańdary jóndeldi, ǵımaratty jylytýǵa arnalǵan jabdyqtar satyp alyndy, 4 balabaqshanyń pandýstary jóndeldi jáne 5 mektepte pandýstardy jóndeýge qarajat bólý máselesi sheshilip jatyr.

Kináli laýazymdy tulǵalardyń jaýapkershiligi týraly másele qaralyp jatyr.

BQO ózenderindegi sý qoımalary qysqy kezeńge kóshirilgenin jazǵan bolatynbyz.