BQO-da maıdangerlerge 300 myń teńgeden berilmek

ORAL. QazAqparat - Batys Qazaqstan oblysynda Jeńis kúnine oraı maıdangerlerge bir jolǵy járdemaqy 300 myń teńgeden berilmek, dep habarlaıdy QazAqparat tilshisi.

Oblystyq jumyspen qamtýdy úılestirý jáne áleýmettik baǵdarlamalar basqarmasy áleýmettik kómek bóliminiń basshysy mindetin atqarýshy Raýshan Sattyqovanyń aıtýynsha, bastapqyda Uly Otan soǵysynyń qatysýshylary men múgedekterine 150 myń teńgeden berý (barlyǵy 16,650mln teńge) kózdelgen bolatyn, keıin eki ese kóbeıtildi.

«Oral qalasy boıynshatıisti sheshim qabyldanyp, maıdangerlerge 300 myń teńgeden beriletin boldy.Oblysta barlyǵy 111 maıdanger bolsa, sonyń 81-i qalada turady. Sonymen qatar barlyǵy birdeı bolý úshin óz sheshimderin ózgertip, qosymsha qarajat qaraý jónindeaýdandarǵa da sondaı nusqaý berildi. Osylaısha aýdan-aýyldarda turatyn maıdangerler de 300 myń teńgeden alatyn bolady», dedi  «QazAqparat» tilshisine R.Sattyqova.

Eske sala keteıik,óńirde 111 maıdanger qalǵanyn budan buryn jazǵan bolatynbyz.