BQO-da mal bazasy men 4 tehnıka órtenip ketti

ORAL. QazAqparat – Batys Qazaqstan oblysynda mal ustaıtyn baza men 4 tehnıka órtenip ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa Tasqala aýdany Tasqala aýylynda boldy. 29 naýryz kúni saǵat 20.17-de M.Mámetova kóshesindegi 64-úıde traktordyń janyp jatqany jóninde habar túsken.

Órt oqıǵasyn barlaý barysynda «Araı» sharýa qojalyǵynyń aýmaǵynda garajda turǵan MTZ-80 traktory janǵan. Sodan qatar turǵan taǵy 2 traktor (MTZ-80, MTZ-82), «KamAZ» júk kóligi jáne japsarlas salynǵan mal turatyn qora (shamamen 550 sharshy metr) otqa oranǵany anyqtaldy.

TJD kúshimen bir gaz ballony (kólemi 70 lıtr) shyǵaryldy. «Tilsiz jaý» 30 naýryz kúni saǵat 01.08-de tolyqtaı aýyzdyqtaldy. Eshkim z ardap shekpegen.

Qazirgi málimet boıynsha órt tehnıka aqaýyna baılanysty shyqqan.

Órt sóndirýge TJD (12 qyzmetker, 3 tehnıka) jáne erikti órt sóndirý jasaǵy (10 qyzmetker) jumyldyryldy. Keltirilgen shyǵyn, kináli adamdar anyqtalý ústinde.

Eske sala keteıik, budan buryn Oralda kópqabatty úıde órt shyǵyp, 25 adam evakýatsııalandy.