BQO-da qutqarýshyny pyshaqtaǵan kúdikti eki aıǵa qamaýǵa alyndy
BQO sotynyń baspasóz qyzmetinen málim etkenindeı, Kaztalov aýdandyq sotymen aýdan prokýratýrasynyń QR QK 380-baby 5-bóligine sáıkes qylmysty jasaǵany úshin 1993 jylǵy kúdikti A-ǵa qatysty kúzetpen ustaý túrindegi bultartpaý sharasyn 2 aı merzimge sanktsııalaý týraly qozǵaǵan ótinishhaty qanaǵattandyryldy.
«Іs qujattarynan kóringendeı, kúdikti A. sý tasqynynan jergilikti turǵyndarǵa kómek kórsetý úshin kelgen kezekshi qutqarýshyǵa óz mindetterin oryndaý kezinde ómiri men densaýlyǵyna qaýipti kúsh qoldanǵan», - dep habarlady vedomstvodan.
Qazirgi kezde 26 jastaǵy qutqarýshy Jalpaqtal aýylyndaǵy № 2 Kaztalov aýdandyq aýrýhanasynda em alyp jatyr.
«Patsıenttiń jaǵdaıy qanaǵattanarlyq. Dárigerlerdiń baqylaýynda, em alyp jatyr», - dedi Kazinform tilshisine aýrýhana dırektory Nadejda Vasıleva.
BQO TJ departamentiniń málimeti boıynsha oblys boıynsha apattyq-qutqarý jumystaryna 2 myńnan astam adam jumyldyrylǵan.
BQO polıtsııa departamentiniń baspasóz qyzmeti sý basqan aýmaqtarda tonaý derekteriniń tirkelmegenin jetkizdi.
Eske sala keteıik, budan buryn BQO-da sý tasqyny kezinde pyshaqtalǵan qutqarýshy aýrýhanada em alyp jatqanyn jazǵan bolatynbyz.